Qazaq ashanasy Jenevada Michelin meıramhanasynda tanystyryldy
ASTANA. KAZINFORM – Jenevada «Dalanyń saıahaty» jobasy aıasynda qazaq ashanasyn Eýropa jurtshylyǵyna tanystyrǵan «Dala men taýlar» atty gastronomııalyq kesh ótti.
4 qyrkúıekte uıymdastyrylǵan kesh Michelin juldyzyna ıe Bayview meıramhanasynda ótti. Bir asúıde Qazaq Gourmet brendiniń bas aspazshysy Artem Kantsev pen Eýropanyń tanymal ári joǵary marapattarǵa ıe bas aspazdarynyń biri Mıshel Rot bas qosty.
Mıshel Rot – bedeldi Bocuse d’Or baıqaýynyń júldegeri jáne Frantsııadaǵy kásibı sheberliktiń joǵary ataqtarynyń biri Meilleur Ouvrier de France ıegeri.
Keshke arnaıy Artem Kantsev qazaq ashanasyna tán ónimder men dástúrli dámderdi zamanaýı gastronomııalyq tásilmen úılestirgen mázir ázirledi.
– Mázirge jabaıy órik qosylǵan dala bókeniniń pashteti, baýyrsaq pen túıe qýyrdaǵy, «Qurttyń tórt ómiri», sondaı-aq Uly dalanyń hosh ıisterimen úılesken Shymkent qozysy endi, – delingen KazakhTourism taratqan aqparatta.
«Dala men taýlar» keshi buǵan deıin Parıj ben Lıssabonda uıymdastyrylǵan halyqaralyq gastronomııalyq sharalar serııasynyń jalǵasy boldy.
Jobanyń maqsaty – zamanaýı qazaq ashanasyn halyqaralyq aýdıtorııaǵa tanystyryp, ulttyq gastronomııa arqyly Qazaqstannyń mádenıeti men dástúrin dáripteý.
Aıta keteıik, Astanada túrki halyqtaryna ortaq taǵamdar jańartyldy.
