«Qazaq arýy-2016» baıqaýynda atyraýlyq boıjetken jeńiske jetti (FOTO)
ASTANA. QazAqparat - Osydan birer sát buryn Astanada «Qazaq arýy-2016» baıqaýy máresine jetti. Qazylar alqasynyń sheshimimen bas júldeni atyraýlyq Almıra Ahatova ıelendi, dep habarlaıdy 24.kz.
Ol Astanadaǵy medıtsınalyq ýnıversıtettiń ІІІ kýrs stýdenti. Jalpy, baıqaýǵa 21 úmitker qatysyp, baq synaǵan edi. Úmitkerlerge qoıylǵan basty talap ana tili men tarıhyn jetik bilýi bolatyn.
Sondaı-aq syrtqy sulýlyq pen ishki ádemiliktiń úılesimdiligi de negizgi qaǵıdanyń biri. Jalpy, bastapqyda baıqaýǵa 600-ge jýyq arý qatysýǵa nıet bildirgen.
Saıystyń tolyq nusqasyn kórermender «Habar» arnasynan naýryzdyń 22-si kúni saǵat 21:30-da tamashalaı alady.
