Qazaq anımatsııasynyń ókili Altynbek Ómirzaqov dúnıeden ótti
ASTANA. KAZINFORM – Sháken Aımanov atyndaǵy «Qazaqfılm» Ulttyq kınostýdııasy men «Qazaqanımatsııa» shyǵarmashylyq birlestigi belgili sýretshi-anımator, ustaz, qazaq anımatsııa óneriniń damýyna eleýli úles qosqan Altynbek Ómirzaqovtyń dúnıeden ótti.
Altynbek Ómirzaqov — qazaq anımatsııa óneriniń negizin qalaýshy Ámen Qaıdarovtyń alǵashqy shákirtteriniń biri.
Ol ulttyq mýltıplıkatsııanyń qalyptasýy men damýyna atsalysyp, sanaly ǵumyryn osy óner salasyna arnady.
Temirbek Júrgenov atyndaǵy Qazaq ulttyq óner akademııasynyń kolledjinde ustazdyq etip, jas anımatorlardyń kásibı qalyptasýyna, ulttyq anımatsııa mektebiniń dástúrin jalǵastyrýǵa zor úles qosty.
— Altynbek Ómirzaqovtyń shyǵarmashylyq joly, ulttyq ónerge degen adaldyǵy men shákirt tárbıeleýdegi eńbegi qazaq anımatsııasynyń tarıhynda ózindik oryn alady. Marqumnyń jarqyn beınesi áriptesteri men shákirtteriniń júreginde máńgi saqtalady. Imany salamat, jatqan jeri jaıly, topyraǵy torqa bolsyn, — delingen «Qazaqfılm» habarlamasynda.
