Qazaq anımatsııasy AQSh-taǵy halyqaralyq festıvalde júlde aldy
ASTANA. KAZINFORM – «Qazaqanımatsııa» shyǵarmashylyq birlestigi shyǵarǵan «KÖLEÑKE» (18+) anımatsııalyq jobasy AQSh-ta ótken PFCAT (Portland Festival of Cinema, Animation & Technology) halyqaralyq festıvalinde qazylar alqasynyń arnaıy júldesine ıe boldy. Bul týraly Mádenıet jáne aqparat mınıstrligi habarlady.
Týyndy horror-anımatsııa janrynda «Ózgeshe kózqaras pen shyǵarmashylyq sheberlik úshin» júldesimen marapattaldy.
Festıval mamandary týyndydaǵy avtorlyq qoltańba men kórkemdik erekshelikti joǵary baǵalady. «KÖLEÑKE» jobasyn otandyq mamandardan quralǵan shyǵarmashylyq top ázirledi.
Stsenarıı avtory – Ernar Tileýbaev, qoıýshy rejısseri – Maqsat Aıapov, qoıýshy sýretshisi – Daır Jıenqulov, atqarýshy prodıýseri – Nurjigit Sultanberdi.
Budan bólek, «Qazaqanımatsııanyń» folk-horror janryndaǵy «Su perisi» men «Shańyraq» dramasy festıvaldiń negizgi baǵdarlamasynan oryn aldy.
Bul týyndylar Portlende alǵash ret sheteldik kórermenge kórsetildi.
Álemge tanymal anımatsııalyq fılm qazaqsha kórsetilgenin jazǵan edik.
