Qazaq áni Portýgalııa radıosyna qalaı tap boldy? (VIDEO)

ASTANA. QazAqparat - Qazaq estradasyna erekshe stılmen kelgen, 80-90 jyldardy eske túsiretin klıpin 21 ǵasyrdyń naǵyz taza mýzykasymen úndestire bilgen, Reseıdi birinshi áni shyqqannan-aq moıyndatqan, Amerıka men Nıý-Iorkte daryny erekshe baǵalanǵan Ǵalymjan Moldanazar Eýropanyń qıyr batysyn baǵyndyrdy.

Onyń «Aqpen birge» áni Portýgalııanyń radıosynda shyrqaldy. Ǵalymjan Moldanazardyń áleýmettik jelidegi paraqshalarynda keshe túnde jańa vıdeo júkteldi. Ol vıdeony ánshige Portýgalııadaǵy radıo qyzmetkerleri jibergen.

2013 jyly jazyp, klıpin túsirgen «Aqpen birge» atty ánin Portýgalııa jurtshylyǵy óte jyly qabyldapty. 

«Ǵalymjannyń «Aqpen birge» áni Portýgalııa radıosyna tap boldy. Ǵalymjandy súıip tyńdaıtyn bir qyz Portýgalııada, Lıssabonda turady. Onyń joldasy - Portýgalııa azamaty. Sol jigittiń dosy radıoda jumys isteıdi. Ol radıoda «Halyqaralyq hıt» degen aıdar bar, sol jankúıer qyz radıodaǵy dostaryna Ǵalymjannyń ánin tyńdatypty. Án qatty unasa kerek, olar birden efırge shyǵarǵan. ıAǵnı, bul óte kezdeısoq jaıt boldy. Portýgalııa radıosyna shyqsaq eken dep, ádeıi eshkimge  án jibergen joqpyz. Keıin Portýgalııadan bizge osy vıdeony jiberdi», - deıdi Ǵalymjannyń resmı ókili Erkebulan. 

Qyzylordada týyp, Almatyda ónerin óz betimen shyńdaǵan Ǵalymjan ánderiniń sózin de, áýenin de ózi jazady. Ári ár ánin erekshe stılmen árlep, kez kelgen jastyń tyńdarmanyn baýrap alady. Aǵa býyn onyń klıpterindegi ótken ǵasyrdyń belgilerin kórip, nostalgııaǵa bastap, qazirgi jastar onyń áýenin, onyń pafostan múlde ada óleń shýmaqtary úshin jaqsy kóredi.