Qazaq ánderi Máskeýde shyrqaldy
ASTANA. QazAqparat - Máskeýde halyqaralyq konkýrstardyń laýreaty Qýat Baǵysbektiń jeke kontserti ótti, dep habarlaıdy QazAqparat RF-daǵy Qazaqstan elshiliginiń saıtyna silteme jasap.
Qazaqstandyq tenor Fedor Shalıapın atyndaǵy mýzeıde óner kórsetti. Ánshi álemdik opera jaýharlary - Chaıkovskıı, Pýchchını, Verdı operalarynan arııa shyrqap, qazaq halyq ánderin Máskeý aspanynda áýeletti. Sonymen birge Balnur Qydyrbek, Vladımır Strıgotskıı-Pak pen Habıbýlla Setekov syndy qazaqstandyq kompozıtorlardyń shyǵarmalaryn da ónersúıer qaýymǵa tartý etti.
«Kontsertte Chaıkovskııdiń, Verdı, Pýchchınıdiń jáne de kóptegen eýropalyq, sheteldik kompozıtorlardyń týyndylaryn, halyq ánderi men Qazaqstan kompozıtorlarynyń shyǵarmalaryn oryndaımyn», - dedi ánshi Qýat Baǵysbek.
Halyq ánderin tyńdaýǵa Máskeýde turatyn qazaqtarda keldi.
«Men úshin búgin qazaq ániniń shyrqalǵany teńdessiz syı boldy. Biz bul kontsertke búkil januıamyzben arnaıy keldik, óıtkeni Máskeýde týyp-ósken balalarymdy qazaqtyń tól mádenıetimen, qazaq mýzykasymen tanystyrǵym keldi», - deıdi Marjan Jaqsymbetova.
FOTO/egemen.kz
