Qazaq áni Qytaıda trendke aınaldy

ASTANA.KAZINFORM — Qazaqstandyq ánshi Rahymjan Jaqaıymnyń «Sen maǵan massyń» áni qytaılyq Douyin (TikTok) áleýmettik jelisinde trendke aınaldy. 

Qazaqstandyq ánshiniń ánderin qytaılyq ánshi blogerler oryndap qana qoımaı, turǵyndar keshki serýende kóńil kóterip bıge basty. Douyin jelisindegi vıdeolar tez arada tanymal bolyp, Qytaı kóleminde trendke aınaldy. Sonymen qatar ándi bı úıretýmen aınalysatyn blogerler keńinen paıdalanyp jatyr.

Jelidegi pikirlerde barlyǵy ánniń jaǵymdy yrǵaǵyna joǵary baǵa berip, ándi Qytaı tilinde oryndaýdy surap jatyr.

— Ánniń maǵnasyn túsinbesem de yrǵaǵy qatty unady. Vıdeodaǵy bı óte úılesim tapqan eken. Bımen qatar osy ándi de úırengim keledi, — dep jazdy ıÝýn hanym.

Qytaılyq «Djaı aǵaı» laqap atymen tanymal ánshi bloger Qazaq áninde ózgeshe tartymdylyq bar ekenin aıtty.

— Qazaq ánderinde erekshe tartymdy kúsh bar. Kóńildi bolsyn, muńdy bolsyn án áýelegen sátte júregińdi sezim bıleıdi. Bul kúsh sonshalyqty áser etedi, siz oǵan qarsy tura almaısyz. Qazaqsha sóılemesem de, qazaq ánderin unatatyn sebebim osy bolar, — dep jazdy ánshi.

Osyǵan deıin habarlaǵanymyzdaı, Tıbette shyrqalǵan «Farıda» áni 10 mln qaralym jınady.