Qazaq aqyndarynyń antologııasy ázerbaıjan tilinde jaryq kórdi

AQTAÝ. QazAqparat  - «Bakýden - túrki álemine» atty jobaǵa Ázerbaıjan men Qazaqstan, Túrkııa, Ózbekstan, Qyrǵyzstan, Saha, Tatarstan Respýblıkasynan kelgen aqyn-jazýshylar bas qosty. 

Shara barysynda ázerbaıjan tilinde jaryq kórgen qazaq aqyndarynyń antologııasyna basa kóńil bólindi. Jıynǵa 30- dan astam aqyn-jazýshylar qatysty. Bul týraly «QazAqparat» HAA tilshisine «Janartaý» qoǵamdyq birlestiginiń jetekshisi Anar Shamshadınova málim etti.

Anar Shamshadınovanyń aıtýynsha, atalmysh antologııanyń tusaýkeseri Búkilálemdik jas túrki jazýshylar birlestigi men «Kaspi» gazetiniń qoldaýymen ótti.

Qazaqstannyń jas aqyndary antologııasyna Gıýlnaz Feızýlla, Gıýlnaz Sátbaıdyń aýdarmalarymen birge Rasmııa Sabır, Tarana Týran (Ragımlı), Gıýlnar Sıama (Gasymly), Afag Shyhly, Akper Goshaly, E.Garahanly, Ibragım Ilıasly, Intıgam ıAshar ı Rýslan Dost Alı sııaqty jýrnalıst jáne jazýshylardyń eńbekteri, sondaı-aq, Abaı, Jambyl, Oljas Súleımenov sııaqty aqyndardyń shyǵarmalary endi.
 

Anar Shamshadınova qazaq aqyndarynyń antologııasy byltyr ıspan tiline aýdarylǵanyn, aldaǵy ýaqytta qazaq óleńderin aǵylshyn tiline de aýdarý josparda bar ekendigin atap ótti.