Qazaq akteri AQSh-ta jol apatyna túsken adamdy qutqardy
ASTANA. KAZINFORM — Qazaq akteri Sannurjan Súleımen, rejısser ári prodıýser Erken ıAlgashev, dybys rejısseri Dýman jáne aktrısa Aıdana Saharı AQSh-ta jol apatyna ushyraǵan amerıkalyq júrgizýshini qutqaryp qaldy, dep habarlaıdy Kazinform tilshisi.
Oqıǵa Los-Andjeles mańynda bolǵan. Qazaqstannyń kıno túsiretin toby jol-kólik oqıǵasynyń bolǵanyn kórgen.
Amerıkalyq júrgizýshi kólikti basqara almaı, úlken jyldamdyqpen jol jıeginen shyǵyp ketip, orman ishindegi tereń jarǵa qulap, aǵashtarǵa soǵylǵan soń kóligi órtenip ketken.
Erken ıAlgashev birden 911 qutqarý qyzmetine qońyraý shalǵan. Al Sannurjan esh oılanbastan kólikke qaraı júgirip baryp, janyp jatqan kóliktiń ishinen júrgizýshini alyp shyqqan. Ol bul áreketimen óz ómirin qaterge tikti, sebebi kólik kez kelgen sátte jarylyp ketýi múmkin edi. Akterdiń erliginiń arqasynda er adam aman qaldy.
Salmaǵy aýyr júrgizýshini 15 metrlik tereń jardan shyǵarý úshin Sannurjan, Erken, Dýman jáne eki meksıkalyq azamattyń kómegi qajet boldy.
Keıin oqıǵa ornyna jedel járdem qyzmeti kelip, zardap shekken adamǵa medıtsınalyq kómek kórsetti. Ol jeńil jaraqattar alǵanymen, denesiniń biraz bóligin aýyr kúıik shalǵan.
27 jastaǵy Sannurjan Súleımen qazaqstandyq kórermenderge Aqan Sataevtyń «Raıony» fılmindegi róli arqyly tanymal. Sondaı-aq ol «Reketır-2» jáne «Bıznesmeny» fılmderinde epızodtyq rólderde oınaǵan.
Budan buryn belgili qazaqstandyq akter Shárip Serik bes táýlikke qamalǵanyn jazǵan edik.