Qazaq aqparat agenttigi «Eń belsendi BAQ» bolyp tanyldy
ALMATY. 23 jeltoqsan. QazAqparat /Názıra Eleýhan/ - Qazaq aqparat agenttigi «Eń belsendi BAQ» retinde jyl saıynǵy «Nıýsmeıker Interfaks-Qazaqstan 2010» atalymynyń jeńimpazy atandy. Búgin Almatyda ulttyq kompanııanyń ókilderine arnaıy dıplom men medal tabystaldy.
Jıyn barysynda sonymen qatar, «Nıýsmeıker Interfaks-Qazaqstan 2010» atalymynyń birneshe sektory boıynsha jáne «BAQ-qa arnalǵan eń úzdik sharalar», «Eń úzdik Interfaks-Qazaqstan agenttiginiń spıkeri», «Eń qaıratker jýrnalıst» atalymdarynyń jeńimpazdary marapattaldy.
Interfaks-Qazaqstan agenttiginiń bas dırektory Oksana Sýstavovanyń aıtýynsha, «Nıýsmeıker Interfaks-Qazaqstan 2010» atalymy elimizdegi kommertsııalyq jáne kommertsııalyq emes uıymdardyń, qoǵam qaıratkerleri men BAQ-tyń aqparattyq ashyqtyq prıntsıpterin iske asyrý jumystaryn yntalandyrý maqsatynda taǵaıyndalǵan.
