Qazaq agrotehnıkalyq ýnıversıtetinde «Alǵashqy stýdenttik kúz» dástúrli baıqaýy ótti
TANA. 3 qazan. QazAqparat /Gúlmıra Alıakparova/ - Ótken senbi kúni Astanadaǵy S.Seıfýllın atyndaǵy Qazaq agrotehnıkalyq ýnıversıtetiniń birinshi kýrs stýdentteri arasynda ótken «Alǵashqy stýdenttik kúz» dástúrli baıqaýy úlken gala-kontsertpen márege jetti.
Qazylar alqasynyń tóraǵasy, oqý ornynyń tárbıe jumystary jáne áleýmettik máseleler jónindegi prorektory Aleksandr Maıerdiń aıtýynsha, «Alǵashqy stýdenttik kúz» baıqaýy ýnıversıtet qabyrǵasynda osymen 14-shi jyl qatarynan ótkizilip keledi. Baıqaýdyń basty maqsaty - 1 kýrs stýdentterin bir-birimen etene tanystyrý, olardyń arasynan belsendi de talanttylardy anyqtap, yntalandyrý.
Baıqaý ár jyly ártúrli taqyryp aıasynda ótedi. Bıyl stýdentter kontserttik baǵdarlamalaryn Qazaqstan Táýelsizdiginiń 20 jyldyq mereıtoıyna arnady. Úsh kúnge sozylǵan óner dodasyna 8 fakýltet qatysty. Oqý ornynyń tabaldyryǵyn jańa attaǵan jastarǵa kontserttik nómirlerdi joǵary deńgeıde ázirleýge qalyptasqan dástúr boıynsha joǵary kýrs stýdentteri men fakýltetter jetekshileri kómektesti. Nátıjesinde kórermender men qazylar nazaryna ulttyq rýhqa, ulttar arasyndaǵy dostyq pen Otanǵa degen patrıottyq sezimderge toly kontserttik baǵdarlamalar usynyldy.
Ulttyq aspaptar ansamblderi «Erke sylqym», «Balbyraýyn», «Túrkimen», «Áke tolǵaýy», «Adaı» kúılerin kúmbirlete oryndap, Týǵan elge ystyq sezimderdi oıatatyn «Atameken», «Qazaq eli», «Saryarqa», «Astana - mahabbatym meniń» ánderin shalqytty. Birinshi kýrs stýdentterdiń arasynda kórkem sózdiń sheberleri, qalamdy jandaryna serik etkenderi de az bolmaı shyqty. Olar avtorlyq jáne tanymal aqyndardyń óleńderin oqyp, 55 jyldyǵyn atap ótkeli otyrǵan agrarlyq ýnıversıtetke arnaýlaryn joldady. «Kóńildiler men tapqyrlar» utqyr ári utymdy qaljyńdarmen kórermenderdi kúlkige bólese, «tańǵaldyrý janrynda» teatrlandyrylǵan qoıylymdardy, zamanaýı bı úlgilerin, erekshe plastıkalyq ıkemdilikteri men gımnastıkalyq ónerlerin ortaǵa saldy.
Bıylǵy baıqaýdyń ereksheligi «Alaqaı! Men QazATÝ stýdentimin!» atty beınerolıkter saıysynyń engizilýi. ıAǵnı stýdentter ýnıversıtettegi alǵashqy kúnderden alǵan áserleri týraly úsh mınýttyq fılm túsirýi kerek boldy. Bul baıqaýda kompıýterlik júıeler jáne kásiptik bilim berý fakýltetine teń kelgender bolmady.
Baǵalaý kezinde ádilqazylar alqasy sonymen qatar, kontserttik baǵdarlamanyń uıymdastyrylýy men sapasyn da nazarǵa aldy.
Eń úzdik shyqqan nómirler gala-kontsertke tańdap alynyp, onyń barysynda jeńimpaz fakýltetter jarııalandy. Birinshi orynǵa ekonomıkalyq fakýltet taban tiredi, ekinshi oryn agronomııalyq fakýltetke buıyrsa, úshinshi júldeli oryndy energetıkalyq jáne veterınarlyq fakýltetter ózara bólisti. Jeńimpazdar rektorat atynan aqshalaı syıaqylarǵa ıe bolsa, eń úzdik kontserttik nómirdi oryndaýshylar stýdenttik kásipodaq uıymynyń jeke syılyqtarymen marapattaldy.
Aıta keteıik, ústimizdegi qazan aıynyń sońynda «Qazaqstan» ortalyq kontsert zalynda ýnıversıtetke jańadan qabyldanǵan 3 myńnan astam jasty stýdentter qataryna qabyldaý saltanaty ótedi.
