Qazaq agrarlyq ýnıversıtetinde Elbasy Joldaýy talqylandy
ALMATY. Aqpannyń 5-i. QazAqparat /Erbol Azanbek/ - Almatyda Elbasynyń «Jańa onjyldyq-jańa ekonomıkalyq órleý-Qazaqstannyń jańa múmkindikteri» atty Joldaýyn talqylaý qyzý jalǵasýda. Búgin osyndaı sharanyń biri Qazaq ulttyq agrarlyq ýnıversıetinde bolyp ótti,
dep habarlaıdy QazAqparat.
Jıyndy QazUAÝ rektory, akademık Tilektes Espolov ashyp, bıylǵy Joldaýdyń mańyzdylyǵyna toqtaldy. Sondaı-aq Joldaýda kórsetilgen mindetterdi ýnıversıtet aýqymynda júzege asyrý josparlaryn atap ótti. «Elbasy Joldaýda aýylsharýashylyǵy salasyna ótken jyldar úlken aýqymda kómek kórsetilgeni týraly atap ótti. Eldiń agrarlyq salasyn damytý aldaǵy ýaqytta da basty mindettiń biri bolyp qala beredi. Sondyqtan, bizdiń basty mindet - sapaly aýylsharýashlyǵy mamandaryn daıyndaý. Sondaı-aq Joldaýda atap kórsetilgen bilim sapasyn jaqsartý. Barshańyzdy osy baǵytta jumylyp jumys isteýge shaqyramyn», dedi rektor.
Sharaǵa ýnıversıtettiń oqytýshy-professorlar quramymen qatar qalalyq jáne Medeý aýdandyq ákimshiliginiń, «Nur Otan» HDP ókilderi qatysyp, óz oılaryn ortaǵa saldy.
