Qazaq ádebıetine úles qosqan qalamgerler marapattaldy - Beıjiń

ASTANA. QazAqparat - Beıjińde Qytaı az ulttar jazýshylar qoǵamy men «Aqsaı» qazaq ádebıeti qoǵamy uıymdastyrǵan baıqaýdyń marapattaý rásimi ótti.

Munda jergilikti qazaq qalamgerleriniń proza, poezııadaǵy tól týyndylary men qytaı-qazaq ádebıetindegi tyń shyǵarmalar, tańdamaly aýdarmalar baǵalandy, dep habarlaıdy 24.kz. Baıqaýda bir jyl boıy az ulttar tilinde basylyp shyqqan 107 ádebı shyǵarma saralanyp, qazylar alqasy qazaq basylymynan 5 avtordyń shyǵarmasyn úzdik dep tanydy. Bas júlde - 20 myń AQSh dollaryn Erlan Nurjyhanulynyń «Kóleńke kózindegi eles» jyr jınaǵy enshiledi. Al Aıdos Amantaıulynyń qytaısha jazylǵan «Aıdos-Sholpan» romany jas qalamgerler arasynan úzdik shyqty.

«Bul syılyq qytaı-qazaq ádebıetiniń kórkeıip kele jatqanyn bildiredi ári bolashaqta odan ári damýyna kúsh beredi dep oılaımyn»,-deıdi jazýshy Aıdos Amantaıuly.