«Qazaq ádebıeti» páni men «Qazaqstan tarıhy» pánderin búkil mektepterde qazaq tilinde oqytý kerek - A.Sárinjipov
ASTANA. QazAqparat - Búgin Respýblıkalyq bilim júıesi qyzmetkerleriniń tamyz keńesi barysynda Bilim jáne ǵylym mınıstri Aslan Sárinjipov búkil mektepterde "Qazaq ádebıeti" men "Qazaqstan tarıhy" pánderin qazaq tilinde oqytý kerektigin aıtty.
"Mektepterde úsh tilde oqytý modeli engiziledi. Joǵary synyptarda jáne joǵary oqý oryndarynda aǵylshyn tilinde oqytýǵa kezeń-kezeńimen kóshý mindeti qoıylyp otyr. Bul rette memlekettik tildi joǵary deńgeıde meńgerý mindetiniń basymdyǵyn umytpaýymyz qajet. "Qazaq ádebıeti" pánine qosa, "Qazaqstan tarıhy", "Geografııa" pánderin búkil mektepterde qazaq tilinde oqytý usynylyp otyr", - deıdi A.Sárinjipov.
Onyń aıtýynsha, 2013 jyldan bastap elimizde aǵylshyn 1-synyptyń baǵdarlamasyna engizilgen, sondyqtan, osy jumysty aıasynda joǵary synyp sabaqtaryn aǵylshyn tilinde ótkizý kózdelýde.
"Osy jumystyń aıasynda synyptan tys sharalar men aǵylshyn tilinde birqatar kýrstar ótkizý josparlanǵan. Sonymen qatar, jazǵy til toqsanyn uıymdastyrý kózdelgen, buǵan pedagogıkalyq joǵary oqý oryndarynyń 3-4 kýrs stýdentteri tartylady. Sóıtip, joǵary synyptarda ınformatıka, fızıka, hımııa jáne bıologııa pánderi aǵylshyn tilinde oqytylatyn bolady", - dedi mınıstr.
