«Kazahstanskaıa pravda» jetim balalardyń armanyn oryndaıdy

ASTAAN. QazAqparat - «Armanyńa sen!» degen atpen «Kazahstanskaıa pravda» ınternet-basylymynyń mýltımedııalyq jobasy bastaý alady. Onda Astanadaǵy balalar úıleriniń tárbıelenýshileri ózderin armandaǵan mamandyqtary boıynsha synap kórýine bolady, dep habarlaıdy basylymǵa silteme jasaǵan «QazAqparat» HAA.

Birinshi basylym portalda erteń, juma kúni shyǵady.

Ushqysh, shabandoz, baǵdarlamashy, ǵaryshker mamandyqtar - qashanda balalardyń izgi armany. Bálkim, qudaı jazyp, búgingi jasóspirimderdiń arasynan Nobel syılyǵynyń ıegerleri, olımpıada jeńimpazdary, áıgili saıahatshylar, mýzykanttar, sýretshiler ósip shyǵar.

Jobaǵa «SOS Astana balalar aýylynda» tárbıelenip jatqan 8-12 jas aralyǵyndaǵy 23 bala qatysady. Olar bir kúnge «armanyndaǵy mamandyq boıynsha jumysqa shyǵyp», onyń atmosferasyn sezinip kóredi, ilki nyshandarynyń negizin qalaıdy. Olarǵa tájirıbeli kásibı mamandar jetekshilik jasaıdy.

Jas polıtseı, órt sóndirýshi, fýtbolshy jáne estrada juldyzdarynyń jumys kúni qalaı ótetini beınelengen vıdeorolıkter Kazpravda.kz portalynda ár juma saıyn jarııalanyp otyrady. Olardy, sondaı-aq «Armanyńa sen!» arnaıy bóliminen de kórýge bolady.