«Kazahı» KVN túlekteriniń Sochıdegi kýbogyna qatysady - Nurlan Qoıanbaev
ASTANA. QazAqparat - «Kazahı» komandasy KVN túlekteriniń Sochıdegi kýbogyna qatysady. Bul týraly elordada ótken baspasóz máslıhatynda komanda músheleri málim etti, dep habarlaıdy QazAqparat.
«Árıne, biz tutas maýsymǵa barmaımyz, sebebi qıyndaý bolady. Biz KVN-nyń týǵan kúnine jyl saıyn baramyz. Osy joly bizdi resmı túrde aldaǵy jyly ótetin Sochıdegi túlekter kýbogyna shaqyrdy. Atap aıtqanda, bizge qala tarapynan qoldaý bar, sondyqtan da komanda retinde osy oıynǵa qatysýǵa daıynbyz»,-dedi saýaldarǵa jaýap berý barysynda komanda kapıtany Nurlan Qoıanbaev.
Osy oraıda ol atalǵan oıynǵa Kóńildi tapqyrlar klýbynyń eń myqty degen komandalary qatysatyndyǵyn atap ótti.
«Bul oıynǵa kil myqtylar keletindikten óte qyzyqty bolady dep kútilýde. ıAǵnı oǵan «Ýralskıe pelmenı», «Pıatıgorsk», «Ýtomlennye solntsem» sekildi komandalar qatysady, sondyqtan biz osy tarıhı oıynǵa barýǵa ázirmiz»,-dep túıindedi sózin Nurlan Qoıanbaev.
Budan buryn habarlanǵandaı, Astanada alǵash ret KTK-2017 jazǵy kýbogy ótti. Úzdik kóńildi ári tapqyr komandalar elordada bas qosty - «Azııa MIX», reseılik Kamyzıak aımaǵynyń quramasy, «Gorod Pıatıgorsk» jáne «Kazahı». Qazylar alqasynyń quramyna Mıhaıl Galýstıan, Valdıs Pelsh, Sergeı Svetlakov, Ekaterına Strıjenova, ıÝlıı Gýsman, Semen Slepakov, sondaı-aq alǵash ret Baıǵalı Serkebaev endi. Júrgizýshi Aleksandr Vasılevıch Maslıakov boldy.
Astananyń nyshany «Báıterek» túrindegi bas júlde - Kýbok jeti jyl ótken soń sahnaǵa tolyq quramda óner kórsetken «Kazahı» komandasynyń oıynshylaryna buıyrdy. Aıta keteıik, Kóńildiler jáne tapqyrlar klýbynyń oıyndaryna 15 jyl boıy qatysqan qazaqstandyq komanda alǵash ret júldege qol jetkizip otyr.
