«Kazahı» KVN komandasy aqshalaı júldelerin qaraǵandylyq Nııaz Súndetalıvke bermek
ASTANA. QazAqparat - Astanada ótken KVN-2017 Jazǵy kýbogynyń jeńimpazdary - «Kazahı» komandasy ózderiniń aqshalaı júldesin múmkindigi shekteýli Nııaz Súndetalıevke bermek. Bul týraly baspasóz máslıhatynda atalǵan komandanyń ókilderi málim etti, dep habarlaıdy QazAqparat.
«Shynynda da sońǵy eki jylda KVN oıyndarynyń jeńimpazdary tıisti syıaqyny alady, al naqty ıÝrmala festıvaliniń jáne Jazǵy kýbogtyń jeńimpazyna eki ese kólemde, ıaǵnı 400 myń rýbl tapsyrylady»,-dedi komanda múshesi Málik Hasenov.
Osy oraıda komanda ókilderi syıaqy túrinde alǵan júldeni qaıda jiberetindikterin habarlady.
«Biz komandamen aqyldasa kele, reseılik bankten bir aıdyń ishinde túsetin barlyq somany naǵyz batyr dep sanaýǵa laıyqty adamǵa bermekpiz, ıaǵnı Nııaz Súndetalıevke baǵyttaımyz. Ol osyǵan deıin óziniń qarjysyn Arýjan Saınnyń qoryna tapsyrǵan edi. Nııaz úlgi bolarlyqtaı adam, ózi qıyndyqqa tap bolsa da, operatsııa tek eki jyldan keıin jasalatynyn estip, qajetti qadamdy jasady. Sondyqtan biz de durys qadamǵa baryp otyrmyz dep sanaımyn»,-dedi Hasenov.
Aıta keteıik, em-domyna birneshe jyl boıy jınaǵan 5,5 mln. teńgeni Nııaz Súndetalıev Arýjan Saınnyń «Meıirim» erikti qoǵamy» qorynyń shotyna aýdaryp jiberdi. Bul qarajat 2 jasar Sofııa Brýsenskaıa esimdi búldirshinniń Seýldegi emine jáne basqa da naýqas balalarǵa jumsaldy.
