«Kazahı» komandasy: Sangadjı Tarbaev bizge jaqsy jıen bolyp tur
«Bizge Sangadjı Tarbaev kómektesti. Ózderińiz bilesizder, Sangadjı qazaqqa jıen bolyp keledi, onyń anasy Oral jerinen. Jalpy, ol bizdiń ortaq dosymyz, osy oraıda elordaǵa anasymen, zaıybymen jáne ulymen keldi»,-dedi M. Hasenov.
Onyń sózine qaraǵanda, S. Tarbaev bir aı boıy «Kazahı» komandasynyń janynda bolyp, daıyndyq protsesine aralasty.
«Onyń otbasy elordada qydyryp júrdi, Sangadjı bizdiń janymyzdan tabyldy»,-dedi Málik Hasenov.
Óz kezeginde komanda múshesi Sanat Shapashov Sangadjı Tarbaevtyń anasy ótken bir aıdy Qazaqstanda ótkizgenine erekshe qýanyshty bolǵanyn jetkizdi.
«KVN shoý-bıznes ekeni belgili. Eshbir komanda avtorsyz jumys istemeıdi. Atap aıtqanda, ónimniń sapasy joǵary bolýy úshin avtorlar tartylady. Sondyqtan Sangadjı qazaqtardyń da, reseılikterdiń de dilin jaqsy bilgendikten, ol obektıvti baǵa berýge qaýqarly maman»,-dedi S. Shapashov.
Budan buryn habarlanǵandaı, Astanada alǵash ret KVN oıyndarynyń Jazǵy kýbogy ótti. Úzdik kóńildi ári tapqyr komandalar elordada bas qosty - «Azııa MIX», reseılik Kamyzıak aımaǵynyń quramasy, «Gorod Pıatıgorsk» jáne «Kazahı». Qazylar alqasynyń quramyna Mıhaıl Galýstıan, Valdıs Pelsh, Sergeı Svetlakov, Ekaterına Strıjenova, ıÝlıı Gýsman, Semen Slepakov, sondaı-aq alǵash ret Baıǵalı Serkebaev endi. Júrgizýshi Aleksandr Vasılevıch Maslıakov boldy.
Astananyń nyshany «Báıterek» túrindegi bas júlde - Kýbok jeti jyl ótken soń sahnaǵa tolyq quramda óner kórsetken «Kazahı» komandasynyń oıynshylaryna buıyrdy. Aıta keteıik, Kóńildiler jáne tapqyrlar klýbynyń oıyndaryna 15 jyl boıy qatysqan qazaqstandyq komanda alǵash ret júldege qol jetkizip otyr.
Esterińizge sala keteıik, bıyl kóktemde Sangadjı Tarbaev «QazAqparat» agenttigine suhbat bergen bolatyn.
