Qazaǵym eńsesin kóterip júrsin dep jumys isteýdemin - Memleket basshysy
ASTANA. QazAqparat - Qazaǵym eńsesin kóterip júrsin dep jumys isteýdemin. Búgin otandyq telearnalardan kórsetilgen respýblıkalyq BAQ ókilderine suhbaty barysynda QR Prezıdenti Nursultan Nazarbaev osylaı dedi, dep habarlaıdy QazAqparat.
Suhbat barysynda «Qazaqstan» telearnasynyń «Aıtýǵa ońaı» baǵdarlamasynyń júrgizýshisi Beısen Quranbek Elbasydan kúni-túni tynbastan jumys isteýge kúsh-qýatty qaıdan alatyndyǵyn suraǵan bolatyn.
«Shyr etip jerge túskende Allanyń beretin kúshi bolady. Sol kúsh-qýat taýsylǵansha ómir súresiń. Bitkende ketesiń. Sondyqtan men Qazaqstandy, jer sharyn aralap júrýge kúsh-qýat bergenine rızamyn. Sol kúsh-qýat bar kezde jumys istep qalý kerek. Sender tepse temir úzetin kezdesińder, izdený kerek. Óz jumysyńda izdenseń, alǵa qaraı ilgerileýge bolady», - dedi Elbasy.
QR Prezıdenti onyń dúnıejúzindegi mysaly aqparat quraldarynda molynan ekendigin basa atap ótti.
«Keıbir jaǵdaıda múmkinshilik te bolmaıtyn shyǵar. Biraq, múmkindikti boldyrý kerek. Barlyǵynan da solarmen birdeı bolýǵa, olardan asyp túsýge tyrysý kerek. Men de osyndaı jolmen júrip kelemin. Elimdi basqa eldermen qatar, terezesi teń bolsyn, eshkimnen kem bolmasyn dep, Qazaǵymnyń eńsesi kóterilip júrsin dep, ár ýaqytta da barlyǵyna tómennen joǵary qaramaı, kerisinshe qazaqtyń ózine solaı qarasyn dep ómir súrip, jumys istep júrmin. Sol jumystarymdy aıtyp jatsa, baǵalap jatsa men úshin mártebe», - dedi Nursultan Nazarbaev.
