«QazAgrony» transformatsııalaý baǵdarlamasy ázirlenedi

NUR-SULTAN. QazAqparat -«QazAgro» holdıngi» AQ-ny damytýdyń strategııalyq baǵdarlamasy ázirlenip jatyr. Bul týraly Parlament Senaty Qarjy jáne bıýdjet komıtetiniń keńeıtilgen otyrysynda holdıngtiń basqarma tóraǵasy Erbol Qarashókeev málim etti, dep habarlaıdy QazAqparat tilshisi.

Onyń sózine qaraǵanda, «QazAgrony» damytýdyń strategııalyq baǵdarlamasy 2020-2029 jyldarǵa arnalǵan.

«Onda barlyq qadamdar qamtylady, ıaǵnı «QazAgrony» qazirgi kúrdeli jaǵdaıdan shyǵarýdyń jospary aıqyndalady. Sonymen qatar, transformatsııa baǵdarlamasy daıarlanady. Onyń aıasynda barlyq shyǵystardy eleýli qysqartý men «QazAgro» men barsha enshiles uıymdar jumysynyń tıimdiligin arttyrý sharalary qamtylady», - E. Qarashókeev 2018 jylǵy respýblıkalyq bıýdjettiń atqarylýyna arnalǵan komıtet otyrysynda.

Budan buryn habarlanǵandaı, senatorlar «QazAgro» holdıngin saýyqtyrý boıynsha qadamdardyń iske asyrylý máselesin kótergen bolatyn.