«Qazagromarketıng» AÓK sýbektilerinen ınvestıtsııalyq sýbsıdııalaý boıynsha ótinimder qabyldaýdy bastady

ASTANA. QazAqparat - «Qazagromarketıng» AQ agroónerkásip kesheni (AÓK) sýbektilerinen ınvestıtsııalyq sýbsıdııalaý boıynsha ótinimder qabyldaýdy bastady. Investıtsııalyq sýbsıdııalaý elimizde bıyl alǵash ret «Agrobıznes-2020» baǵdarlamasy aıasynda júzege asyrylýda.

Bul týraly «Qazagromarketıng» AQ-nyń baspasóz qyzmetinen habarlady.

Investıtsııalyq sýbsıdııalaý baǵdarlamasynyń operatory retinde «Qazagromarketıng» AQ ınvestorlardan ótinimder qabyldaıdy. Ótinim qabyldaý jáne baǵdarlama boıynsha túsindirý jumystary kompanııanyń oblystyq ókildikteri negizinde júrgiziledi.

Baǵdarlamaǵa sáıkes Qazaqstan Respýblıkasynda ınvestıtsııalyq salynymdardy júzege asyratyn agroónerkásip keshen sýbektisi bolyp tabylatyn jeke jáne zańdy tulǵalarǵa ınvestıtsııalyq sýbsıdııalar tólenedi. Investıtsııalyq sýbsıdııalar ınvestorlardyń Qazaqstan Respýblıkasy agroónerkásiptik keshenindegi jańa óndiristik qýattar qurýǵa nemese jumys istep turǵandaryn keńeıtýge, onyń ishinde tehnıka men jabdyqtar satyp alýǵa baǵyttalǵan shyǵyndarynyń bir bóligin óteıdi.

Investıtsııalyq sýbsıdııalar ınvestıtsııalyq jobany iske asyrýǵa ketken shyǵyndardyń 20-dan 80%-ǵa deıingi úlesin óteýge baǵyttalǵan.

Investıtsııalyq sýbsıdııalaý QR Úkimetiniń 2014 jyldyń 29 sáýirindegi №421 qaýlysymen bekitilgen Agroónerkásiptik keshen sýbektisi ınvestıtsııalyq salynymdar kezinde jumsaǵan shyǵystarynyń bir bóliginiń ornyn toltyrý boıynsha sýbsıdııalaý qaǵıdalary negizinde júzege asyrylady.

«Qazagromarketıng» AQ-nyń (Astana, Almaty qq., oblys ortalyqtary men 160 aýdanda ornalasqan) aımaqtyq jelisi men sall-ortalyǵynyń negizinde (8 800 080 70 80 nómiri boıynsha) aýylsharýashylyq taýar óndirýshileri úshin ınvestıtsııalyq sýbsıdııalaýǵa qatysty túsindirý jumystary uıymdastyrylǵan (Qazaqstan boıynsha statsıonarlyq jáne uıaly telefondardan qońyraý shalý tegin).