QazAgroQarjynyń Shyǵys Qazaqstan oblysyndaǵy klıentteri egis naýqanyn aıaqtaýda
NUR-SULTAN. QazAqparat - «Báıterek» holdınginiń «QazAgroQarjy» aktsıonerlik qoǵamy kórsetilip jatqan qoldaýdyń tıimdiligin baǵalaý úshin Shyǵys Qazaqstan oblysyna baspasóz týryn uıymdastyrdy, dep habarlaıdy QazAqparat.
Baspasóz týry QazAgroQarjynyń senimdi klıenti – «Tamırlan ı K» JShS-niń egis alqaptarynda ótti.
«Bul sharýashylyq bizben 2018 jyldan beri jumys istep keledi jáne sońǵy 4 jylda mashına-traktor parkin jańartý maqsatynda 625 mıllıon teńgege 12 birlik tehnıkany lızıngige satyp aldy. Onyń ishinde 2021 jyly 121 mıllıon teńge somasyna qarjy lızıngi sharttaryn jasasty», - dedi «QazAgroQarjy» AQ-dan.
«Tamerlan ı K» JShS dırektory Rýstam Jambýsınov atap ótkendeı, QazAgroQarjy arqyly satyp alynatyn tehnıkanyń joǵary ónimdiliginiń arqasynda 10-12 kún ishinde 2 myń gektar óńdeletin alqapta egis jumystaryn júrgizýge bolady. Kóktem ádettegiden erte bastalyp otyrǵanyna úshinshi jyl boldy. Bul egin egý jumystaryn 27 sáýirde bastaýǵa jáne dándi daqyldardy sebý jumystaryn tez aıaqtaýǵa múmkindik berdi. Al qazir sharýashylyq mehanızatorlary tyńaıtqysh sebýde.
Aıta keteıik, «QazAgroQarjy» aktsıonerlik qoǵamy - AÓK sýbektilerine aýyl sharýashylyǵy tehnıkasy men jabdyqtaryn satyp alý úshin lızıngilik qyzmetter kórsetetin eń iri qarjy ınstıtýty.
Kompanııa agrarlyq sektordy tehnıkalyq jaraqtandyrýdy damytýǵa yqpal ete otyryp, óz qyzmetin 20 jyldan astam ýaqyt boıy oıdaǵydaı júzege asyryp keledi jáne otandyq fermerlerdiń senimdi seriktesi bolyp qala bermek.
Jalpy, 2022 jyly 17 mamyrdaǵy jaǵdaı boıynsha QazAgroQarjy 46 mıllıard 228 mıllıon teńge somasyna túrli aýyl sharýashylyǵy tehnıkasynyń 4 myń birligin satyp alýǵa qarjy lızıngi shartyn jasasty.
