«QazAgroQarjy» jańa kókónis qoımalarynyń qurylysyn qarjylandyrýda

Qazaqstandyq lızıngilik kompanııa jalpy somasy 3,5 mlrd. teńgege 15 jobany maquldady, dep habarlady «QazAgroQarjy» AQ-nyń baspasóz qyzmeti.

Osy nysandardyń bárine kókónisterdiń sapasyn 9-10 aıǵa deıin saqtaýǵa múmkindik beretin joǵary tehnologııalyq jabdyqtar ornatylýda. Qazirgi kezde «QazAgroQarjy» maquldaǵan jobalardyń ishinen endigi 4 kókónis qoımasy iske qosylyp, jumys istep tur. Onda otandyq iri jer ıelenýshiler ósirip shyǵarǵan jemis-kókónis ónimderiniń 17 myń tonnasyn saqtaýǵa bolady. Qalǵan jobalardyń iske asyrylýy 2011 jyldyń qazan aıy men 2012 jylǵa josparlanǵan.

Esterińizge sala keteıik, «QazAgroQarjy» jalpy alǵanda, elimizdiń aýyl sharýashylyǵyndaǵy 14 ınvestıtsııalyq baǵyttyń operatory bolyp tabylady. Áńgime respýblıkada iri-taýarly sút fermalarynyń, et baǵytyndaǵy qus fabrıkalarynyń, jylyjaı sharýashylyqtarynyń, kókónis qoımalarynyń jelilerin, aýyl sharýashylyǵy tehnıkalaryn qurastyrý óndiristerin, mal bordaqylaý alańdaryn, etti qaıta óńdeý keshenderin, asyl tuqymdy mal sharýashylyqtaryn (reprodýktorlar), soıys pýnkteriniń jelilerin qurýǵa, sonymen qatar qazaqstandyq astyq eksportynyń ınfraqurylymyn damytýǵa jáne ony tereń qaıta óńdeýge, astyq qoımalaryn turǵyzý men jańǵyrtýǵa, tamshylatyp sýarý tehnologııasyn engizýge jáne bııazy jún óndirý jáne ony qaıta óńdeýge baılanysty perspektıvaly jobalardy qarjylandyrý jóninde bolyp otyr.

«QazAgroQarjy» olardy iske asyrý úshin shamamen 94 mlrd. teńge jumsamaq.