«QazAgroQarjy» ónerkásiptik úlgidegi 13 jylyjaı kesheniniń qurylysyn qarjylandyrýda
Bul perspektıvaly jobalarǵa qoldaý jasaý lızıngilik kompanııanyń aýyldaǵy ınvestıtsııalyq jobalardy iske asyrýy aýqymynda júzege asyrylyp jatyr. Obektilerdiń negizgi bóligi Qazaqstannyń Indýstrııalandyrý kartasyna engizilgen jáne olardyń qurylysy memlekettik ÚIID baǵdarlamasyna sáıkes turǵyzylýda, dep habarlady «QazAgroQarjy» AQ baspasóz qyzmeti.
Qazirgi kezde «QazAgroQarjy» qarjylandyrǵan jobalardyń birqatary endigi iske qosylyp, kókónis ónimderi óndirisin jónge salǵan. Áńgime Aqmola oblysy Stepnogorsk qalasyndaǵy alańy 3,56 ga «Qazaqstannyń jylyjaı tehnologııalary» JShS, Qaraǵandydaǵy alańy 3 ga «Green Technology» JShS, Aqtóbe oblysyndaǵy alańy 3 ga «Izet Greenhouse» JShS, Astanadaǵy alańy 3 ga «AstanaEkoStandart» JShS jóninde bolyp otyr. Almaty oblysynda alańy 5,1 ga jerde ornalasqan «Green Land Alatay» JShS jylyjaıyna kóshetter otyrǵyzýǵa daıyndyq jumysy júrip jatyr.
Bıylǵy jyly jáne 2013 jyly Ońtústik Qazaqstan oblysynda 350 tonna qyzanaq pen 5 mln. dana kóshet ósirý úshin «SZTs Asar KZ» JShS alańy 2,2 gektar, sonymen qatar 790 tonna kókónis ónimderin ósirý úshin «Iftıharı F.A.» JK alańy 2 ga sııaqty zamanaýı 2 jylyjaı kesheniniń qurylystary aıaqtalmaqshy. Sonymen birge, Jambyl oblysynyń Baızaq aýdanynda «Manat» sharýa qojalyǵynyń alańy 1 gektar jylyjaıynyń qurylysy júrip jatyr jáne Almaty oblysynda «Green House - Zelenyı dom» JShS alańy 3,6 ga jylyjaı kesheniniń qurylysy aıaqtalýda.
«QazAgroQarjy» qarjylandyrýǵa keıingi maquldaǵan jobalarynyń ishinde - 824 tonna qııar men 691 tonna qyzanaq ósirýge arnalǵan "Aqtóbe-Jylyjaı" JShS alańy 3 ga jylyjaı keshenin, sondaı-aq, Jambyl oblysynda 345 tonna qııar men 172 tonna qyzanaq jáne 36 tonna askók óndirýge josparlanǵan "Lýgovoı jylqy zaýyty" JShS alańy 1,3 ga jylyjaı qurý kózdelýde.
Іri ónerkásiptik jylyjaı keshenderinen basqa, respýblıkada shaǵyn jylyjaılardyń da qurylysy júrip jatqanyn aıta ketý kerek. Búgingi tańda «QazAgro» ulttyq holdıngi kishigirim nesıe berý baǵdarlamasy sheńberinde Almaty oblysynda - 50, Jambyl oblysynda - 104 jáne Ońtústik Qazaqstan oblysynda - 100 shaǵyn jylyjaı turǵyzyp jatyr. Aǵymdaǵy jyldyń sońyna deıin Aqtóbe oblysynda 50, Jambyl oblysynda 100 jáne Qyzylorda oblysynda 50 shaǵyn jylyjaıdan 2 jıyntyǵyn paıdalanýǵa tapsyrý josparlanýda.
«QazAgroQarjy» elimizdiń aýyl sharýashylyǵyndaǵy 14 ınvestıtsııalyq baǵyttyń operatory bolyp tabylady. Lızıngilik kompanııa respýblıkada iri taýarly-sút fermalarynyń, et baǵytyndaǵy qus fabrıkalarynyń, jylyjaı sharýashylyqtarynyń, kókónis qoımalarynyń, aýyl sharýashylyǵy tehnıkalaryn qurastyrý óndiristeriniń, mal bordaqylaý alańdarynyń, etti qaıta óńdeý keshenderiniń, asyl tuqymdy sharýashylyqtardyń (reprodýktorlardyń), soıys pýnktteriniń jelilerin qurý jáne damytý boıynsha perspektıvaly jobalardy qarjylandyrady. Budan basqa kompanııa jemshóp óndirisine, qazaqstandyq astyq eksportynyń ınfraqurylymyn jáne ony tereńdete qaıta óńdeýdi damytýǵa, astyq qoımalaryn salý men jańartýǵa, tamshylatyp sýarý tehnologııasyn engizýge, bııazy júndi óndirý men óńdeýdi damytýǵa baılanysty jobalardy da qarjylandyrady.
