«QazAgroQarjy» kókónis saqtaý qoımalaryn qurý boıynsha 16 jobany bekitti
ASTANA. 28 qazan. QazAqparat /Jasulan Amanbaıuly/ - «QazAgroQarjy» kókónis saqtaý qoımalaryn qurý boıynsha 16 jobany bekitti. Bul týraly búgin jýrnalısterge suhbat berý barysynda «QazAgroQarjy» AQ basqarma tóraǵasynyń orynbasary Asylhan Jubashev málim etti.
«Búgingi tańda kompanııa kókónis saqtaý qoımalaryn qurý boıynsha jalpy quny 3,5 mlrd. astam teńge bolatyn 16 jobany bekitti. Olardyń jıyntyq syıymdylyǵy - 73,6 myń tonna. Onyń 4-eýi paıdalanýǵa berildi», - deıdi A. Jubashev.
Onyń atap ótkenindeı, jyl sońyna deıin elde taǵy 10 kókónis saqtaý qoımasyn tapsyrý kózdelip otyr.
Jalpy osy maqsatqa 2009 jyly Ulttyq qordan 7 mlrd. teńge bólinip, olardyń barlyǵy tolyǵymen ıgerilgen.
Aýyl sharýashylyǵy mınıstrliginiń málimetteri boıynsha, elde jıyntyq syımdylyǵy 661,4 myń tonna bolatyn 677 kókónis saqtaý qoımasy bar.
