«QazAgroQarjy» jeńildetilgen lızıng baǵdarlamasy boıynsha ótinimderdi qosymsha qabyldaıdy
ASTANA. KAZINFORM — «Báıterek» UBH» AQ-nyń quramyna kiretin «QazAgroQarjy» AQ otandyq óndirilgen jáne/nemese qurastyrylǵan aýyl sharýashylyǵy tehnıkasyn satyp alýǵa jyldyq 5%-ben «Jeńildikti lızıng» baǵdarlamasy boıynsha qosymsha ótinimder qabyldaý týraly habarlaıdy.
Ótinimder qabyldaý úshin QazAgroQarjynyń «@KazAgroFinance.bot» Telegram bot arqyly elektrondy kezek qalyptasady.
Klıent Telegram bot arqyly ótinim bergen kúnnen bastap 5 jumys kúni ishinde óńirdegi «QazAgroQarjy» fılıalynyń birine qujattardyń tolyq paketin usynýy tıis. Fılıaldardyń baılanys telefondary men mekenjaılary www.kaf.kz kompanııa saıtynda kórsetilgen.
«Jeńildikti lızıng»baǵdarlamasy otandyq óndirilgen jáne/nemese qurastyrylǵan aýyl sharýashylyǵy tehnıkasyn qarjylandyrýǵa baǵyttalǵan:
- mólsherleme: jyldyq 5%
- lızıng merzimi: 7 jyldan aspaıdy
- Birinshi lızıngtik tólem: 10%-ten kem emes
«QazAgro» Qarjy» aktsıonerlik qoǵamy «Báıterek» ulttyq basqarýshy holdıngi» AQ kompanııalar tobyna kiredi. Aýyl sharýashylyǵy tehnıkasyn satyp alý úshin aýyl sharýashylyǵy taýaryn óndirýshilerge lızıngtik qyzmetter kórsetetin iri qarjy ınstıtýty. Kompanııa 24 jyldan astam ýaqyttan beri elimizdiń agrarlyq sektorynda tehnıkalyq jaraqtandyrýdy damytý aıasynda qyzmet etip keledi.
Buǵan deıin habarlaǵanymyzdaı, TJM lızıngke 4 ushaq pen 7 tikushaq satyp almaqshy.