«QazAgroInnovatsııa» mekemesinde Senat komıteti depýtattarynyń kóshpeli májilisi ótedi
ASTANA. Qańtardyń 15-i. QazAqparat - Qańtardyń 15-inde «QazAgroInnovatsııa» aktsıonerlik qoǵamynda QR Parlament Senaty Agrarlyq máseleler jáne qorshaǵan ortany qorǵaý komıteti depýtattarynyń kóshpeli májilisi ótedi.
Bul aqparatty atalǵan kompanııanyń baspasóz qyzmeti taratyp otyr.
Alqaly jıyn barysynda agrarlyq ǵylymdy odan ári damytýdyń jaǵdaıy qozǵalyp, «QazAgroInnovatsııa» AQ-nyń osy salada júzege asyryp jatqan sharalaryna qatysty máseleler talqylanady.
«QazAgroInnovatsııa» AQ agroónerkásip kesheni salasynda ınnovatsııalyq damýshy ınstıtýt mártebesine ıe jáne agrarlyq sektordy ǵylymı qamtamasyz etý jónindegi mamandandyrylǵan uıym bolyp sanalady. Qazaqstandyq agrarlyq ǵylymdy damytý tarıhynda 2009 jyl ózgeriske toly bolyp otyr, sebebi alǵash ret tikeleı kompanııanyń qatysýymen aýyl sharýashylyǵy ǵylymyn jáne ınnovatsııalardy qoldaýǵa 5,6 mıllıardtan astam teńge, onyń ishinde ǵylymı zertteýlerdi júrgizýge - 2,7, óndiristik jáne agrarlyq ǵylymnyń óndiristik jáne ınnovatsııalyq ınfraqurylymyn qurýǵa - 2,98 mlrd.teńge baǵyttaldy», delingen baspasóz habarlamasynda.
Senat depýtattarynyń ǵalymdarmen kezdesýi barysynda bıýdjettik quraldardy tıimdi ıgerý boıynsha qabyldanyp jatqan sharalarymen, sondaı-aq keıbir ǵylymı ortalyqtardyń qyzmetimen tanysady. Sonymen qatar «QazAgroInnovatsııa» AQ Mal sharýashylyǵy ǵylymı-ınnovatsııalyq ortalyǵy quramyna kiretin «Asyl-Túlik» aktsıonerlik qoǵamyna barý josparlanǵan.
