«QazAgroFınans» tamshylatyp sýarý qoldanylatyn tehnıkalyq dándi daqyldar óndirisin qarjylandyrýdy ulǵaıtýǵa nıetti
ASTANA. Qańtardyń 2-si. QazAqparat - «QazAgroFınans» tamshylatyp sýarý qoldanylatyn tehnıkalyq dándi daqyldar óndirisin qarjylandyrýdy ulǵaıtýǵa yqylas tanytyp otyr. Bul jaıynda atalǵan mekemeniń baspasóz qyzmeti taratqan aqparatta aıtylǵan.
«QazAgroFınans» AQ-yna Qazaqstannyń ońtústik óńiriniń aýyl sharýashylyǵy óndirýshilerinen plenka jabyn astynda tamshylatyp sýarý tehnologııasy boıynsha maqta, sonymen qatar kúnbaǵys pen júgeri ósirýge ótinishter túsýde. Kompanııa 2010 jylǵy ınvestıtsııalyq jobalarǵa «tamshylatyp sýarý tehnologııasyn qoldaný arqyly tehnıkalyq dándi daqyldar óndirisi» qosymsha baǵytyn engizý týraly ótinish berýdi josparlap otyr», delingen.
Qazirgi ýaqytta jarııalanǵan ınvestıtsııalyq jobalardyń 2 irikteý konkýrsy sheńberinde 130 ótinish berilgen. Onyń ishinde jalpy somasy 22,9 mıllıard teńgeni quraıtyn 17 joba boıynsha oń sheshim qabyldanǵan.
