QazAgroda tıimsiz jobalardyń qaryzy 21 mlrd. teńgege jetti

ASTANA. QazAqparat - «QazAgro» ulttyq holdınginde tıimsiz jobalar sany 24-ke jetti. Olardyń qaryzy 21 mlrd. teńgeni qurady.

Bul máseleni sheshý úshin QR AShM aktıvterdi basqarý qoryn qurýdy josparlap otyr.

«Tikeleı ınvestıtsııalar qory naryǵyn damytý úshin sheteldik ınvestorlardy tartý arqyly aktıvterdi basqarý qoryn qurý josparlandy. Onyń maqsaty  tıimsiz jobalardy paıdaǵa jaratý. Búgingi tańda «QazAgro» jáne onyń enshiles uıymdarynda osyndaı jobalardyń sany 24, borysh somasy - 21 mlrd. teńge», - dedi QR Premer-Mınıstriniń orynbasary - QR AShM basshysy Asqar Myrzahmetov.

Onyń sózine qaraǵanda, qor jumysyn iske qosý úshin «QazAgro» enshiles kompanııasy «Ekspo Agro» JShS bólgen 6,1 mlrd teńge kólemindegi ıgerilmegen bıýdjet qarajatyn baǵyttaý usynyldy.

Bul másele respýblıkalyq bıýdjettik komıssııa otyrysynda qaralady.