«QazAgro» júıesinde qandaı ózgerister bolady

NUR-SULTAN. QazAqparat – «QazAgro» holdıngi basqarma tóraǵasy Erbol Qarashókeev kompanııany transformatsııalaý jospary týraly aıtyp berdi, dep habarlaıdy QazAqparat tilshisi.

«Prezıdenttiń tapsyrmasy boıynsha biz transformatsııa baǵdarlamasyn qabyldadyq. «QazAgro» yqshamdalyp, jumysyn jalǵastyrady, ıaǵnı shyǵyndardy qysqartamyz. Aldaǵy jyldyń birinshi toqsanyna deıin jeti enshilis kompanııanyń úsheýin ǵana qaldyramyz. Jalpy, bir myńǵa jýyq adam qysqartylady, bul rette ákimshilik shyǵyndar ońtaılandyrylady. «QazAgronyń» basqarý organdaryn tolyqtaı ózgertemiz», - dedi Erbol Qarashókeev Májilistiń jalpy otyrysynda.

Onyń sózine qaraǵanda, «QazAgro» dırektorlar keńesine joǵary bilikti sheteldik sarapshylar tartylmaq.

«2020 jyldyń qorytyndysy boıynsha holdıngti shyǵynsyz deńgeıge shyǵarýdy josparlap otyrmyz», - dedi E. Qarashókeev.

Aıta keteıik, «QazAgro» qyzmetine aýqymdy reformalar júrgiziledi.

«QazAgro» holdıngi óz qyzmetin reformalaý nátıjesinde 2020 jyldyń qorytyndysy boıynsha taza paıdaǵa shyǵýdy josparlap otyr.

Eske sala keteıik, bıyl qyrkúıekte Aýyl sharýashylyǵy mınıstri Saparhan Omarov

«QazAgro» holdınginde qyzmetkerlerdi qysqartý júretinin aıtqan edi.