«QazAgro» zeınetaqy qorynan alynǵan 100 mlrd teńgeni tolyq qaıtaryp berýge ýáde etti

ASTANA. QazAqparat -«QazAgro» Ulttyq basqarýshy holdıngi» AQ Úkimettiń zeınetaqy qorynan bólgen 100 mlrd teńgesin mindetti túrde qaıtarýǵa ýáde berýde.

Holdıngtiń basqarma tóraǵasy Nurlybek Malelov búgin QR Aýyl sharýashylyǵy mınıstrliginde ótken baspasóz máslıhatynda atap ótkenindeı, bul qarajat Elbasynyń «100 naqty qadam» reformasynyń úsh qadamyn qarjylandyrýǵa jumsalatyn bolady.

Bul qadam boıynsha, agroónerkásiptik keshenge 10 transulttyq korporatsııany tartý, Qazaqstannyń sút jáne et salasyna shetel ınvestorlaryn tartý kózdelgen.

«Biz bul baǵyttar boıynsha klıentterdiń ótinimderin qabyldap, óńdeıtin bolamyz. Bul ótinimder qarjylyq tıimdiligi, ózin-ózi aqtaýy, kepildiktiń qamtamasyz etilýi boıynsha salalyq jáne ekonomıkalyq saraptamadan ótetin bolady. Osydan keıin ǵana jobalardyń jyldamdyǵyna, qaıtarymdylyǵyna qaraı aqshany bólemiz. Biz bul qarjyny Biryńǵaı jınaqtaýshy zeınetaqy qoryna tolyq kólemde qaıtarylýyn qamtamasyz etemiz», - dedi N. Malelov.