«QazAgro» xoldıngi Eýropadan qaryzǵa 200 mln eýro alýdy kózdeıdi

ASTANA. QazAqparat - Búgingi tańda «QazAgro» ulttyq basqarýshy xoldıngi Eýropa ınvestıtsııalyq bankinen 200 mln eýro kólemindegi zaımdy alý jóninde kelissózder júrgizip jatyr. Qaryzdy qaıtarý merzimi - 15 jyl, dep xabarlaıdy QazAqparat tilshisi.

«Ústimizdegi jyldyń aıaǵyna deıin QazAgro men Eýropa ınvestıtsııalyq banki arasyndaǵy kelisimshart rásimdeledi dep senemin. Josparǵa sáıkes, zaem «QazAgronyń» enshiles kompanııalarynyń birine beriledi» , - dedi Qazaqstannyń Belgııa men Lıýksembýrgtegi Tótenshe jáne Ókiletti elshisi, Eýropa odaǵyndaǵy QR ókildiginiń basshysy Almas Hamzaev búgin Astanada ótken baspasóz máslıxatynda.

Resmı málimetke sáıkes, qazirgi kezde atalǵan qujattyń sharttary pysyqtalyp jatyr. Zaemnyń aqshasy «QazAgronyń» enshiles kompanııalarynyń jobalaryna jumsalady. Atap aıtqanda, aýyl sharýashylyǵy texnıkasyn satyp alý, elevatorlardy jańǵyrtý, maldy ósirý texnologııalaryn damytý, tuqymdy óndirý, aýyl sharýashylyǵy salasynda aqparattyq júıelerdi engizý jáne taǵy basqa sharalardy atqarý josparlanǵan.

Aıta keteıik, ótken jyly Eýropanyń ınvestıtsııalyq banki Qazaqstannyń «Damý» kásipkerlik qoryna 200 mln eýro kólemindegi zaemdy bergen bolatyn. Sol kezde «Báıterek» ulttyq basqarýshy xoldıngi ol aqshanyń qaıtarylatynyna kepildik berdi.