QazAgro uzaq merzimdi ınvestıtsııalyq jobalardy qarjylandyrýyn jalǵastyra beredi - D. Maqajanov

ASTANA. QazAqparat - Búginde «QazAgro» AQ ınvestıtsııalyq qorjynyna jalpy quny 309 mlrd teńgeni quraıtyn 477 joba kiredi. Jańa jumys oryndaryn qurý maqsatynda uzaq merzimdi ınvestıtsııalyq jobalardy qarjylandyrý jalǵasa beredi.

Bul týraly búgin OKQ brıfınginde «QazAgro» Ulttyq basqarýshy holdıngi» AQ basqarma tóraǵasynyń m.a. Dáýren Maqajanov aıtty.

«Biz ınvestıtsııalyq baǵdarlamalardy odan ári jalǵastyra beremiz, al búginde «QazAgro» AQ ınvestıtsııalyq qorjynyna jalpy quny 309 mlrd teńgeni quraıtyn 477 joba kiredi. Olardyń ishinen 365 joba iske qosylyp, 236-sy 70 paıyzdyq júktememen jumys isteý qýatyna jetti. Biz budan ári de uzaq merzimdi jobalardy qarjylandyrýdy jalǵastyra beremiz, óıtkeni olar jańa jumys oryndaryn qurýǵa múmkindik beredi», - deıdi ol.

D. Maqajanovtyń aıtýynsha, bıyl basty nazar agroónerkásip keshenin (AÓK) qarjylandyrý qarqynyn báseńdetpeýge baǵyttalady.

«Byltyr biz atalǵan sektordy 222 mlrd teńgege qarjylandyrdyq. Bıyl kapıtal naryǵynda qalyptasqan qıyn jaǵdaıǵa qaramastan, AÓK-ni qarjylandyrý qarqynyn báseńdetpeýge tyrysamyz, tipti múmkin bolsa, qarjylandyrýdy molaıta túsemiz», - dep atap ótti D. Maqajanov.