«QazAgro» Ulttyq holdıngi taıaý ýaqytta qosymsha 1 mıllıon tonna astyq satyp alady
dep habarlaıdy QazAqparat.
«Jalpy Aýyl sharýashylyǵy mınıstrligi, «QazAgro», «Azyq-túlik korporatsııasynyń» jumysy nátıjeli bolǵanyna toqtalǵan Úkimet basshysy, «atap aıtqanda olar barlyq sharalar boıynsha ıkemdilik tanytyp, qosymsha 1 mıllıon tonna astyq satyp alýǵa qosymsha qarjy resýrstaryn taba aldy. Aldaǵy jyly da tıisti qarjy resýrstary bólinetin bolady», dedi.
«QazAgro» basshysy Asyljan Mamytbekovtyń aıtýynsha, oblıgatsııalar shyǵarý jolymen ishki qor naryǵynda qaryz alý qarastyrylǵan.
«Biraq, ishki naryqta qaryz alý oblıgatsııalaryn ornalastyrǵanǵa deıin biz ekinshi deńgeıli bankten qysqa merzimge qaryz alý týraly kelistik. Jalpy, bul baǵyttaǵy paıyzdardy qabyldaýǵa bolady», dedi holdıng basshysy. Osy qarjynyń esebinen jaqyn arada 1 mıllıon tonna astyq satyp alý josparlanyp otyr.
Onyń sózine qaraǵanda, elimizdiń barlyq aımaqtarynda astyqty teńdestirilgen túrde satyp alý úshin «QazAgro» bıdaı alqaptarynyń egis kólemine sáıkes oblystar arasynda kvotany anyqtap alýǵa nıetti.
Sóz sońynda Premer-Mınıstr «QazAgro» holdınginiń bıýdjetten tys naryqta qarjy resýrstaryn tartý úrdisin oń baǵalady.
