«QazAgro» ulttyq holdıngi basqarma tóraǵasynyń orynbasary saılandy

ASTANA. QazAqparat - «QazAgro» ulttyq basqarýshy holdıngi» AQ dırektorlar keńesiniń sheshimimen Aıdarbek Hodjanazarov «QazAgro» ulttyq basqarýshy holdıngi» AQ basqarma tóraǵasynyń orynbasary bolyp saılandy, dep habarlady holdınginiń baspasóz qyzmeti.

Aıdarbek Asanuly Hodjanazarov 1983 jyly 26 qarashada Qyzylorda oblysynda dúnıege kelgen.

Qazaq Halyqaralyq Ýnıversıtetin, Dandı qalasynyń Ýnıversıtetin (Shotlandııa) bitirgen.

Eńbek qyzmetin 2006 jyly «TuranÁlem» bankinde bastady.

BTA Bankte Islamic Banking basqarmasynyń bastyǵy, Dýbaıda, BAÁ-de BTA Banki ókildiginiń basshysy bolyp qyzmet atqardy.

2009 jyldan bastap «APK «Olzha Holding» quramyna kiretin kompanııalar tobynda basshylyq qyzmet atqardy jáne holdıngtiń strategııa jáne keleshektegi damý máselelerine jetekshilik etti.

2015 jylǵy 24 maýsymnan bastap - «QazAgro» ulttyq basqarýshy holdıngi» AQ basqarma tóraǵasynyń orynbasary.