«QazAgro» ulttyq basqarýshy holdıngi» AQ: ınvestıtsııalyq jobalardy qarjylandyrýdyń jańa tetikteri

ASTANA. 14 qyrkúıek. QazAqparat - «QazAgro» ulttyq basqarýshy holdıngi» AQ Dırektorlar keńesiniń 2011 jylǵy 9 tamyzdaǵy № 19 sheshimimen jańa «Sýarý júıesin qoldaný arqyly jemis-kókónis, tehnıkalyq jáne maıly daqyldardyń óndirisin damytý jónindegi ınvestıtsııalyq jobalardy iske asyrý qajettiginiń negizdemesi» bekitildi. Bul týraly holdıngtiń baspasóz qyzmetinen habarlady.

Atalǵan ınvestıtsııalyq baǵytty qarjylandyrýdaǵy jańalyq - jabdyqtardy qarjylandyrý tizimine jańbyrlatý júıeleri, sondaı-aq jobalardy respýblıkanyń barlyq aımaqtarynda iske asyrý múmkindikteri kirgizildi.

Investıtsııalyq baǵytty qarjylandyrý boıynsha operator - enshiles kompanııa «QazAgroQarjy» AQ bolyp tabylady.

Investıtsııalyq joba sýarý júıesin engizýdi, sondaı-aq jabdyqtaýshy jobanyń mindetti túrde 1 jyldan astam ýaqyt boıy agronomııalyq jáne tehnıkalyq súıemeldenýin qarastyrýy qajet.

Basymdyq tuıyq bıznes-tsıkldy kózdeıtin sondaı-aq, óndiristi, alǵashqy óńdeýdi (jýý, suryptaý) jáne býyp túıýdi qarastyratyn; aýyl sharýashylyǵynda oń tájirıbesi bar AÓK sýbektileri iske asyratyn; ónimdi eksporttaýǵa baǵdarlanǵan jobalarǵa beriledi.

Áleýetti qaryz alýshylardy nesıeleý kelesideı sharttarmen júzege asyrylady:

- qurylys-montajdyq jumystarǵa, jabdyqtar men tehnıkaǵa, aınalym qarajatyna syıaqy mólsherlemesi - jylyna 6 paıyzben!

- nesıeleý merzimi - 10 jylǵa deıin (aınalym qarajatyna - 4 jylǵa deıin);

- qosa qarjylandyrý - jobanyń qunynan 15 paıyzdan kem emes;

- kepildemelik zattyń bolýy mindetti;

- jeńildikti kezeń - 2 jylǵa deıin.