«QazAgro» shyǵyndaryn ońtaılandyrý aıasynda qyzmetkerlerin qysqartýdy kózdep otyr
Bul týraly búgin OKQ brıfınginde holdıng basqarma basshysynyń mindetin atqarýshy Dáýren Maqajanov aıtty
«Qazirgi kezde holdıngtiń shyǵyndaryn ońtaılandyrý jumysyna basty nazar aýdarylýda. Ózimizdiń korporatıvtik ortalyǵymyzda shtattyq birlikterdi qysqartýdy, shyǵyndardy 200 mıllıon teńgege azaıtýdy josparlap otyrmyz. Budan bólek, biz Jekeshelendirý baǵdarlamasynyń ekinshi tolqyny boıynsha profıldi emes aktıvterimizdi básekelestik ortaǵa ortaǵa berýdi de josparlaýdamyz. Bul shara da bizdiń shyǵyndarymyzdy shamamen 500 mln. teńgege deıin azaıtady», - dep túsindirdi D. Maqajanov.
Onyń aıtýynsha, orta merzimdi bolashaqta shyǵyndardy ońtaılandyrý sharalary jalǵasyn tabady.
«Birinshi kezekte biz enshiles kompanııalarymyzdyń bir-biriniń qyzmetterin qaıtalaýyn boldyrmaımyz. Satý jáne qarjylandyrý arnalaryna ekinshi deńgeıli bankter men jekemenshik lızıngtik kompanııalardy belsendi túrde tartamyz. Bizde buryn da saýyqtyrý baǵdarlamasy boıynsha qorlandyrý tájirıbesi bolǵan. Qazir jańa jobalardy nesıeleý boıynsha kelisimderge kelip jatyrmyz, onyń ishinde kóktemdi egis naýqanyn júrgizý jumystary da bar», - dep túsindirdi D. Maqajanov.
«QazAgro» UBH» AQ baspasóz qyzmeti taratqan málimetter boıynsha, profıldik emes aktıvterdi shyǵarý 2015 jyly Holdıngtiń 559 mln. teńgeni únemdep qalýyna múmkindik beredi.
