«QazAgro» parlamentshilermen AÓK damýyn talqylady
Otandyq AÓK damytý jónindegi memlekettiń saıasatyn júzege asyratyn Holdıng depýtattyq korpýs ókilderimen respýblıkanyń aýyl sharýashylyǵyndaǵy asa ózekti máselelerdi talqyǵa saldy jáne olardy salanyń birqatar mindetterin sheshýdegi óziniń paıymdaýymen tanystyrdy. Bul týraly «QazAgoro» ulttyq holdınginiń baspasóz qyzmeti habarlady.
Atap aıtqanda, áńgime Qazaqstandaǵy etti mal sharýashylyǵyn damytý jónindegi sharalar, «QazAgro» holdınginiń nesıeleý rásimderin ońaılatý boıynsha júrgiziletin jumysy týraly, sondaı-aq Astananyń jáne elimizdiń basqa iri qalalarynyń azyq-túlik beldeýin qalyptastyrý kezindegi keıbir problemalaryn sheshý joly týraly boldy.
«QazAgro» holdınginiń Májilistiń Agrarlyq máseleler jónindegi komıtetiniń depýtattarymen kezdesý barysynda usynǵan málimetterine sáıkes, asyl tuqymdy maldyń ımportyna ótinimderdi qarastyrý kezinde Holdıng jemshóp qoryna talapty joǵarylatady. Mal bordaqylaý alańdaryn aınalym qarajatyn ıgerý qarqynyna jáne alańnyń tolyqtyrylýyna baılanysty (200 bastan joǵary) kezeń-kezeńmen qarjylandyrý prıntsıpine kóshý josparlanady.
Aýyl sharýashylyǵy kásipkerleri úshin qarjy resýrstarynyń qol jetimdiligin keńeıtý bóliginde QazAgro 2013 jyly birqatar mindetterdi sheshýge nıet etip otyr. Olar nesıe berý protsesterin ońtaılandyrýmen, «bir tereze» prıntsıpi boıynsha aýylsharýashylyq taýar óndirýshilerine qyzmet kórsetý júıesin engizý arqyly servıstik qyzmet sapasyn jaqsartýǵa, sondaı-aq nesıeleýge qoljetimdilikti qamtamasyz etýge baılanysty.
Astananyń azyq-túlik beldeýin damytý sheńberinde logıstıkalyq HAB qurý josparlanýda. Osy saýda-logıstıkalyq jeliniń mindeti aýyl turǵyndarynyń ónimderin ádil baǵamen satyp alý jáne shetke shyǵarý, ony qoımalarda qattap jınaý jáne saýda jelilerimen ózara is-qımylynyń tıimdi kompıýterlengen júıesin qurý bolýy tıis.
Parlament Májilisiniń depýtattary máselelerdi talqylaý barysynda QazAgro holdınginiń keıbir bastamalaryna qoldaý kórsetti, al keıbir máseleler boıynsha ózderiniń túbegeıli ustanymdaryn aıtty. Mysalǵa, Agrarlyq máseleler jónindegi komıtet músheleriniń pikirleri boıynsha Qazaqstanda búginde barlyq maldyń 80 paıyzy jekemenshik úı sharýashylyqtarynyń qolynda jáne holdıngke osy áleýetti, nashar tuqymdy bolsa da paıdalaný qajettiligi týraly oılanýdy tapsyrdy. Budan basqa, depýtattardy ІQM etiniń eksporttyq áleýetin damytý baǵdarlamasyn iske asyrý merzimi jaıly másele tolǵandyrady. Parlamentshiler aýylda nesıe seriktestikterin jańadan qurýdy qoldaýda da óz oılaryn aıtty. Budan ózge, Astanada jalpy logıstıkalyq jeli qurýdy maquldaı otyryp, depýtattar elordanyń azyq-túlik beldeýin qalyptastyrýda 300-shaqyrymdyq aýmaqtaǵy shekaramen shektelip qalmaý týraly usynystaryn bildirdi.
«QazAgro» holdıngi» AQ Basqarma tóraǵasy Dýlat Aıtjanovtyń aıtýynsha, kezdesý óte syndarly jaǵdaıda ótti. Shynynda paıdaly pikir almasý boldy. «Parlament depýtattarynyń «QazAgro» holdınginiń bastamalaryna jasaǵan eskertýleri men usynystary - biz úshin qajet jáne paıdaly aqparat, óıtkeni olardyń bári eldiń aýyl sharýashylyǵynda bolyp jatqan jaǵdaılar týraly uzynqulaqtan estimeı-aq ózderi tikeleı biledi. Olar aýyl ómirimen jaqsy tanys bolǵandyqtan, kóptegen qyzyqty ıdeıalar engizdi. Osy kezdesýdi esepke ala otyryp, biz ózimizdiń jumys josparymyz ben mindetterimizge keıbir túzetýler engizetin bolamyz», - dedi Aıtjanov.
«QazAgro» ulttyq basqarýshy holdıngi» AQ AÓK salasynda qyzmetin júzege asyratyn aktsıonerlik qoǵamdardy tıimdi basqarý arqyly Qazaqstan Respýblıkasynyń agroónerkásiptik keshenin damytýdy yntalandyrý maqsatynda 2006 jyly quryldy. Holdıngtiń quramyna «azyq-túlik kelisim shart korporatsııasy» UK» AQ, «QazAgroÓnim» AQ, «QazAgroQarjy» AQ, «Agrarlyq nesıe korporatsııasy» AQ, «Aýyl sharýashylyǵyn qarjylaı qoldaý qory» AQ, «QazAgroKepil» AQ, «QazAgroMarketıng» AQ kiredi.
