QazAgro lızıngke 1 877 aýylsharýashylyq tehnıkasyn berdi
AÓK qarjylandyrýdyń jalpy somasynyń - 183,1 mlrd teńgesi otandyq sharýashylyqtar men agroqurylymdardy nesıeleýge, 17,8 mlrd teńgesi - aýylsharýashylyq ónimin satyp alýǵa, 23,8 mlrd teńgesi - AÓK sýbektilerin qarjylyq saýyqtyrýǵa jumsalady. Jyldyń aıaǵyna deıin «QazAgro» holdıngi saladaǵy túrli jobalardy nesıeleýge jáne qarjylandyrýǵa taǵy da shamamen 80 mlrd teńge baǵyttaýdy josparlaıdy.
Ulttyq holdıngtiń ınvestıtsııalyq qorjyny 530 ınvestıtsııalyq jobany quraıdy, onyń jalpy quny 324 mlrd teńge. Onyń ishinde búgingi tańda jalpy quny 273,4 mlrd teńgeniń 487 jobasy iske qosyldy, shamamen 15,5 myń jumys orny quryldy. Aǵymdaǵy jyly óndiriske jalpy quny 18.8 mlrd teńgeniń 37 ınvestıtsııalyq joba iske qosyldy, 1068 jumys orny quryldy.
Egin egý jáne jınaý jumystaryn qarjylandyrý úshin aǵymdaǵy jyly holdıngke 60 mlrd teńge somasyndaǵy bıýdjettik nesıe qarajaty berildi, olar holdıngtiń enshiles uıymdary men ekinshi deńgeıli bankterdiń arasynda qaryzdar túrinde bólindi. Qazirgi ýaqytta bólingen bıýdjettik resýrs tolyq ıgerildi. Atalǵan qarajatqa 2 141 aýylsharýashylyq taýar óndirýshileri qarjylandyryldy, egistik alańy 5,3 mln ga.
Jalpy, 2016 jylǵy kóktemgi-egis jumystaryn qoldaý sheńberinde holdıng barlyq qarajat kózderi esebinen 72,9 mlrd teńge somasyna 3 235 aýylsharýashylyq taýar óndirýshilerin qarjylandyrdy. Alynǵan qarajat agrarlarǵa 6,9 mln ga alańda egistik naýqanyn júrgizýge septigin tıgizdi.
Sharýashylyqqa qajet agrotehnıkalyq is-sharalardy júrgizý úshin lızıngke 37,6 mlrd teńge somasyna 1 877 aýylsharýashylyq tehnıkasy berildi.
Jyldyń basynan bastap respýblıkalyq bıýdjetten «QazAgroǵa» 25 mlrd teńge bólindi. Onyń ishinde 9 aıdyń qorytyndysy boıynsha 19,8 mlrd teńge ıgerildi. Bólingen qarajat qarjy baǵdarlamalarynyń keńeıtilgen spektrin paıdalaný arqyly AÓK damýyn yntalandyrý jónindegi memlekettik saıasatty júzege asyrýǵa baǵyttaldy, onyń qatarynda - nesıe seriktestikteri arqyly AShTÓ qarjylandyrý, analyq ІQM basyn jáne qoılardy satyp alý bar.
«QazAgro» ulttyq holdıngi bıylǵy jyldyń sońyna deıin ekonomıkalyq ósimdi yntalandyrý jónindegi qosymsha sharalar sheńberinde birqatar jobalardy qarjylandyrýdy bastaýdy josparlaıdy. Áńgime AÓK basym salalaryndaǵy eksportqa baǵdarlanǵan jobalardy nesıeleý, sút qabyldaý pýnktteriniń jelileri men otbasylyq sút-taýarly fermalardy, aýylsharýashylyq kooperatıvterin jáne bordaqylaý alańdaryn, jemis-kókónis sharýashylyǵy jobalaryn qoldaý týraly.
«QazAgro» ulttyq basqarýshy holdıngi» AQ onyń quramyna kiretin kompanııalardyń ınvestıtsııalyq aktıvterin tıimdi basqarýdy qamtamasyz etý arqyly Qazaqstannyń agroónerkásiptik keshenin damytý jónindegi memlekettik saıasatty júzege asyrady. Holdıngtiń quramyna: «Azyq-túlik kelisim shart korporatsııasy» ulttyq kompanııasy» AQ, «QazAgroQarjy» AQ, «Agrarlyq nesıe korporatsııasy» AQ, «Aýyl sharýashylyǵyn qarjylaı qoldaý qory» AQ, «QazAgroÓnim» AQ, «QazAgroMarketıng» AQ, «QazAgroKepil» AQ kiredi.
