QazAgro qyzmetine aýqymdy reformalar júrgiziledi - QR AShM
Mınıstrlik málimetterine qaraǵanda, QR Prezıdenti Qasym-Jomart Toqaevtyń 2019 jyldyń 15 shildede Úkimettiń keńeıtilgen otyrysynda bergen tapsyrmasyn oryndaý maqsatynda «QazAgro» holdıngi» UBH» AQ qyzmetin reformalaý jáne onyń tıimdiligin arttyrý jónindegi sharalar kesheni qaralyp, maquldandy. Sondaı-aq onyń basshylyǵyna naqty tapsyrmalar berildi.
Atap aıtqanda bolashaqta holdıngtiń enshiles kompanııalarynyń sanyn qysqartyp, birin-biri qaıtalaıtyn fýnktsııalardyń ara-jigin ajyratý arqyly yqsham ujym qalyptastyrý kózdelip otyr. Sondaı-aq holdıngtiń basqarý organdaryna sheteldik sarapshylardy tartyp, shtatty ońtaılandyrý jáne holdıngtiń operatsııalyq shyǵystaryn qysqartý jónindegi jumystar jalǵasa bermek.
Buǵan qosa, aýyl sharýashylyǵyn qarjylandyrýǵa baǵyttalǵan bıýdjettik qarajattyń tıimdi jáne maqsatty paıdalanylýy qamtamasyz etilip, aýyl sharýashylyǵy taýarlaryn óndirýshiler úshin tıimdi nesıe ónimderin ázirleý, nesıe berý protsesin barynsha avtomattandyrý jáne nesıe ótinimderin qaraý ýaqytyn qysqartý mindetteri aldyǵa qoıylyp otyr.
QazAgro basshylyǵy Úkimetti eńbek ónimdiligin jáne AÓK ónimin eksporttaýdy arttyrýǵa, jeke ınvestıtsııalar men ınnovatsııalyq tehnologııalardy tartýǵa, sondaı-aq aýylda jańa bıznes bastamalardy damytýǵa baǵyttalǵan 10 jyldyq kezeńge arnalǵan holdıng strategııasynyń jobasyn ázirlemek.
«Nesıe qorjynynyń sapasyn jaqsartý jáne toqtap turǵan jobalardy saýyqtyrý boıynsha sharalar paketi qabyldandy. Osy reformalardyń nátıjesinde holdıng qysqa merzimde yqsham jáne tıimdi qarjy ınstıtýtyna aınalady. QazAgro óz qyzmetiniń nátıjeliligin arttyryp, 2020 jyldyń qorytyndysy boıynsha taza paıda alýdy josparlap otyr»,- delingen habarlamada.