«QazAgro» kóktemgi-egis jumystaryna 61,6 mlrd.teńge baǵyttaıdy.
Budan basqa «QazAgro» alǵashqy ret kóktemgi-egis jumystaryn ekinshi deńgeıli bankter arqyly qarjylandyratyn bolady. Bul maqstattarǵa bıýdjettik nesıe qarajatynan 20 mlrd. teńge bólindi. Egin egýge arnalǵan nesıelik qarajattyń jańa kózi «Agrobıznes-2020» baǵdarlamasyna sáıkes sharýalardyń qarjylandyrýǵa qoljetimdiligin arttyrý maqsatynda qosyldy. Jalpy, Ulttyq holdıngten egin jumystaryna bólingen qarajat 6,1 mln. ga jer kólemine agrotehnıkalyq sharalardy júrgizýge múmkindik beredi.
Qazirgi ýaqytta Ulttyq holdıngtiń kompanııalary respýblıkamyzdyń ońtústiginde jáne negizgi astyq egetin óńirlerinde belsendi qarjylandyrýdy júrgizýde. Mysaly, Agrarlyq nesıe korporatsııasyna 6,5 mlrd. teńgeni quraıtyn 300 ótinim kelip tústi. Onyń búgingi kúni 1,7 mlrd. teńgege 75 ótinimi nesıelendirildi. Aǵymdaǵy jyly korporatsııa respýblıkanyń agrosalasyna óz baǵdarlamalary aıasynda barlyǵy 13 mlrd.teńge jumsaýdy josparlaýda.
Agrarlyq nesıe koproratsııasy kóktemgi-egis jumystaryn jáne astyq jınaý naýqanyn ótkizýge nesıelendirýdi jyldyq 5 paıyz mólsherlememen, merzimi 01.12.2014j. deıin ekinshi deńgeıli bankter kepildigimen beredi, sonymen qatar nesıelik seriktester júıesi arqyly jyldyq syıaqy mólsherlemesi 9%-ǵa deıin, jyljıtyn/jyljymaıtyn múlik kepildigimen beriledi.
Azyq-túlik kelisim shart korporatsııasy kóktemgi-egis jumystarynda astyq egýshilerdi qarjylandyrýǵa 17,6 mlrd. teńge jumsamaq. Onyń ishinde kóktemgi-jaz merziminde memlekettik resýrsqa satyp alý úshin kompanııa 3,6 mlrd.teńge baǵyttaýdy josparlap otyr.
Forvardtyq satyp alýǵa bıýdjettik nesıe qarajatynan 1 ga egin jerine 6 myń teńge esebinen jáne komıssııa tóleý shartynan qarjylandyrý merziminiń aıaǵyna qarjylandyrý somasynan 5% kóleminde, 14 mlrd. teńge baǵyttaý josparlanyp otyr. Azyq-túlik korporatsııasy sheshimine sáıkes qarjylandyrý oblystar boıynsha bekitilgen lımıtterge sáıkes júrgiziledi. Satyp alý ekinshi deńgeıli bankter kepildigi nemes áleýmettik-kásipkerlik korporatsııalar kepildigimen júrgiziledi.
Forvardtyq satyp alý boıynsha lımıtter: Aqmola oblysy - 4,28 mlrd.teńge; Aqtóbe oblysy - 490 mln.teńge; ShQO - 490 mln.teńge; Qaraǵandy - 670 mln.teńge, Qostanaı - 4,24 mlrd.teńge; Pavlodar - 500 mln.teńge; SQO - 3,33 mlrd.teńgeni quraıdy.
Aýyl sharýashylyǵyn qarjylaı qoldaý qory - «Eginjaı» baǵdarlamasy boıynsha agrarshylardy qarjylandyrýdy óz qarajat esebinen júzege asyrady. Budan basqa kompanııa mıkronesıe uıymdaryn /MNU/ nesıelendirý aıasynda budan ári maqatshylardy nesıelendirý úshin qarjylandyrýdy 2,1 mlrd.teńge kóleminde bıýdjettik nesıe qarajatynan júzege asyrýda. 1 sáýirdegi málimetter boıynsha Qordyń jeke qarajatynan 446,4 mlrd. teńgeni quraıtyn 114 ótinim qarjylandyryldy. Búgingi kúni 655,6 mln. teńgege taǵy 173 ótinim maquldandy. 62 ótinim qarastyrylý ústinde.
«Eginjaı» baǵdarlamasy boıynsha sharttar: qaryzdyń maksımaldy somasy - 6 mln. teńge, syıaqy mólsherlemesi jyldyq 9,5%, jemshóptik daqyl boıynsha nesıelendirý merzimi 36 aıdan aspaıdy, al basqa daqyldar boıynsha 18 aıdan aspaıdy.
MNU arqyly sharttar: MNU úshin qaryzdyń maksımaldy somasy - 1 mlrd. teńge, sońǵy qaryzger úshin - 8000 MEK. Jyldyq syıaqy mólsherlemesi - 4%, syıaqynyń tıimdi mólsherlemesi - 4,4% jyldyq MNU úshin, jáne 8% sońǵy qaryzger úshin.
«QazAgroQarjy» sharýalardy tehnıkamen qamtamasyz etý úshin 6,9 mlrd. teńge baǵyttaıdy. Búgingi kúni kompanııaǵa 12,7 mlrd. teńgeden astam somaǵa ótinimder kelip tústi. Jalpy, osy jyldyń kóktemgi-egis jumystaryn júrgizý aıasynda «QazAgroQarjy» 1000 birlikten astam túrli aýyl sharýashylyq tehnıkany jáne oǵan jer óńdeýshi aspaly jabdyqtar alýdy kózdep otyr. Budan bólek, «QazAgro» holdınginiń enshiles kompanııasy ınvestıtsııalyq baǵdarlamasy aıasynda jemshóp óndirýdi qarjylandyrýdy júzege asyrýda. Atalǵan baǵytqa sáıkes Qazaqstannyń agrosalasyna 754,7 mln.teńge ınvestıtsııalandy.
QazAgro» Ulttyq basqarýshy holdıngi» AQ quramyna kiretin aktsıonerlik qoǵamdardyń ınvestıtsııalyq aktıvterin tıimdi basqarý jolymen agroónerkásiptik keshendi damytýdy yntalandyrý jónindegi memlekettik saıasatty iske asyrady. Holdıng quramyna «Azyq túlik kelisimshart korporatsıtsııasy» AQ, «QazAgroQarjy» AQ, «Agrarlyq kredıt korporatsııasy» AQ, «QazagroÓnim» AQ, «QazAgrogarant» AQ, «QazAgromarketıng» AQ kiredi.
