«QazAgro» holdıngi kóktemgi dala jumystaryn júrgizýge 97 mlrd. teńge jumsaýdy josparlaıdy

ASTANA. QazAqparat - «QazAgroQarjy» AQ 2015 jyldyń kóktemgi-egis jumystary sheńberinde agroqurylymdarǵa, sonyń ishinde elimizdiń astyq, kókónis jáne maqta sharýashylyqtaryndaǵy kóktemgi jer jyrtý jumystary naǵyz qyzǵan ońtústik aımaqtaryna tehnıka berýdi bastady. Búgingi tańda «QazAgronyń» nesıe komıtetine Ońtústik Qazaqstan oblysynyń fermerlerinen 991 mln. astam teńgege 300 birlikten artyq tehnıka satyp alýǵa ótinimder kelip tústi. Bul týraly holdıngtiń baspasóz qyzmetinen habarlandy.

Jalpy, «QazAgro» kóktemgi-egis jumystaryna tehnıkalar men tehnologııalyq jabdyqtar satyp alýǵa ótinimder sany kúnnen-kúnge búkil Qazaqstan boıynsha ósip jatqanyn alǵa tartady. Máselen, respýblıka boıynsha, 7,3 mlrd. teńgeden astam qarajatqa 1000 birlikten astam ár túrli tehnıkalar men jabdyqtar satyp alýǵa fermerlerden ótinimder túsken.

«QazAgroQarjy» AQ arqyly tehnıka satyp alýǵa ótinimder sanynyń ósýi qarjylandyrýdyń qolaılyǵyna oraı bolyp otyr. Búgingi tańda memlekettik qoldaýdyń arqasynda fermerler tehnıkany jeńildikti paıyzben alý múmkindigine ıe boldy. Atap aıtqanda, sýbsıdııalaý baǵdarlamasyna sáıkes, memleket aýyl sharýashylyǵynyń taýar óndirýshilerine jalpy qarjylandyrý mólsherlemesiniń 7 paıyzyn qaıtarýdy josparlap otyr. Sóıtip, «QazAgroQarjy» AQ-ǵy aýyl sharýashylyǵy tehnıkasy men arnaýly tehnıkanyń lızıngi boıynsha stavka 13,4 paıyzdyń ornyna 6,4%quraıdy. «Aıta keterligi, 2014 jyly kóktemgi egis jumystaryn júrgizýge arnalǵan qarjy somasy jospar boıynsha 10,6 mlrd. teńge bolǵanymen, «QazAgroQarjy» AQ 11,2 mlrd. teńgege 1 167 birlik tehnıka satyp alýdy qarjylandyrǵan. Al 2015 jyly kókótemgi-egis jumystarynyń sheńberinde 10,5 mlrd. teńgege jýyq somaǵa keminde 1000 birlik tehnıka satyp alynatyny josparlanýda. Kóktemgi-egis jumystardyń sheńberinde dıqanshylardyń satyp alatyn tehnıkalarynyń basym bóligi - qazaqstandyq óndiris. Atap aıtqanda, Semeıdegi «SemAz»avtoqurastyrý zaýytynda jasalyp shyǵarylǵan - «Belorýs» traktorlary ekenin atap kórsetken jón.Óz kezeginde, tehnıkaǵa arnalǵan qosymsha jabdyqtar AQSh-tan ǵana emes, Reseıden, Belarýssııadan, Ýkraınadan, Kanadadan, Germanııadan da satylyp alynady», delingen baspasóz baıanynda. Tutas alǵanda, «QazAgro» ulttyq holdıngi kompanııalar toby 2015 jyldyń kóktemgi-dala jumystaryn júrgizýge búkil qarjylandyrý kózderi esebinen 97 mlrd. teńge qarjy jumsaýdy josparlap otyr. Osy somanyń sheńberinde «QazAgro» egis jumystaryn júrgizýge respýblıkanyń aýyl sharýashylyǵy taýar óndirýshilerin qarjylandyrý úshin bıýdjettik nesıelendirý esebinen 34 mlrd. astam teńgege ekinshi deńgeıli bankterdi qorlandyrady», delingen baspasóz baıanynda.