«QazAgro» holdıngi 2010 jyly aýyl sharýashylyǵyn damytýǵa 250 mlrd. teńgeden astam qarjylyq qoldaýdy qamtamasyz etýge daıyn
A. Jeltoqsannyń 14-i. QazAqparat /Rýslan Ǵabbasov/ - «QazAgro» holdıngi 2010 jyly aýyl sharýashylyǵyn damytýǵa 250 mlrd. teńgeden astam qarjylyq qoldaýdy qamtamasyz etýge daıyn. Bul týraly búgin agroónerkásiptik keshendi damytý máseleleri boıynsha ótip jatqan respýblıkalyq keńeste «QazAgro» holdınginiń basqarma tóraǵasy Asyljan Mamytbekov málim etti,
dep habarlaıdy QazAqparat.
«Aldyn ala boljam boıynsha, «QazAgro» holdıngi 2010 jyly aýyl sharýashylyǵyn damytýǵa 250 mlrd. teńgeden astam somaǵa qarjylyq qoldaý kórsetýge daıyn», dedi «QazAgro» basshysy.
Onyń aıtýynsha, 2010 jylǵy kóktemgi egis naýqany qarsańynda «QazAgro» holdıngi taıaý ýaqytta 2010 jylǵa arnalǵan agroónerkásiptik kesheniniń sýbektilerin nesıelendirý baǵdarlamasyn júzege asyrýdy jarııalaǵan. Osy baǵytta kóktemgi egis jumystaryn qarjylandyrý, aýyl sharýashylyǵy ónimderin satyp alý boıynsha sharalardy qarjylandyrý, sondaı-aq agroónerkásiptik keshen sýbektileriniń aınalymdaǵy qarjylaryn tolyqtyrý qarastyrylyp otyr. Bul maqsattarǵa 80 mlrd. teńge qarastyrylǵan. Osy qarjy respýblıkalyq bıýdjetten «QazAgro» holdıngimen nesıe túrinde tartylmaq.
