«QazAgro» elimizdiń úsh oblysyndaǵy egin naýqanyn 941,1 mln. teńgeden astam somaǵa qarjylandyrdy

ASTANA. QazAqparat - 2015 jylǵy egin egý jáne jınaý naýqanyn júrgizý sheńberinde «QazAgro» ulttyq holdınginiń kompanııalary óńirdiń úsh oblysynyń sharýashylyqtarynyń ótinimderin 941,1 mln. teńgeden astam somaǵa qarjylandyrdy, onyń ishinde 507,5 mln. teńgesi OQO sharýashylyqtaryna, 158,5 mln. teńgesi - Jambyl oblysyna, 281,1 mln. teńgesi - Qyzylorda oblysyna tıesili, dep habarlaıdy «QazAgro» holdıngi» AQ baspasóz qyzmetinen.

«Jyldyń basynan bastap Ońtústik Qazaqstan oblysynyń agrarlyq qurylymdary men sharýashylyqtaryna holdıngtiń enshiles uıymy - «QazAgroQarjy» AQ jelisi boıynsha 165 túrli aýylsharýashylyq, topyraqty óńdeıtin jáne arnaýly tehnıkalar jetkizildi», delingen habarlamada.

Agrarlyq is-sharalardy ótkizýge qoldaý kórsetý «QazAgro» holdınginiń enshiles kompanııalarynyń qarjylandyrýdyń túrli quraldary: astyqty forvardtyq satyp alý, aýylsharýashylyq taýar óndirýshilerin ekinshi deńgeıli bankterdiń kepildigimen nesıeleý, nesıe seriktestiterin nesıeleý, aýylsharýashylyq tehnıkalarynyń lızıngi jáne basqalary arqyly júzege asyrylady.

Fermerlerdiń qarjylandyrýǵa qoljetimdiligin keńeıtý maqsatynda, ótken jylǵy sııaqty «QazAgro» holdıngimen keıinnen olar aýylsharýashylyq taýaróndirýshilerin nesıeleýi úshin EDB qorlandyrý quraly qoldanyldy. Baǵdarlamaǵa qatysatyn bankterdiń sany ótken jylmen salystyrǵanda eki esege - 4-ten 8-ge deıin ósti. Olar boıynsha qarjylandyrýdyń jalpy kólemi 33,5 mlrd. teńgeni quraıdy. Búgingi kúni 100% qarajat ıgerildi.

Jalpy Qazaqstan boıynsha qazirgi kúni nesıeleý baǵdarlamalary boıynsha 66,6 mlrd. teńge somasyna qarjylandyrýǵa aýylsharýashylyq taýar óndirýshileriniń 3 255 ótinimi maquldandy (2 242 ótinim, 58,3 mlrd. teńge), 66,1 mlrd. teńgege 3 220 ótinim qarjylandyryldy (2 242 ótinim, 58,3 mlrd. teńge). Egistik alańynyń jalpy qamtylýy 6,3 mln. ga. quraıdy, bul 2014 jyldyń deńgeıinen 17%-ǵa joǵary.

2015 jyldyń 17 shildedegi málimetteri boıynsha «QazAgroQarjy» kompanııasymen 10,3 mlrd.teńge somasyna lızıngke 1 287 aýylsharýashylyq tehnıkasyn satyp alý qarjylandyryldy. Egin jınaıtyn tehnıka boıynsha jalpy somasy 11,5 mlrd. teńgege 1 266 kombaındy satyp alýǵa ótinimder qabyldandy, jıyntyq somasy 7 mlrd.teńgege 937 kombaınǵa qarjy lızıngi sharttary jasaldy.

Eske sala keteıik, «QazAgro» ulttyq basqarýshy holdıngi» AQ onyń quramyna kiretin kompanııalardyń ınvestıtsııalyq aktıvterin tıimdi basqarýdy qamtamasyz etý arqyly Qazaqstannyń agroónerkásiptik keshenin damytý jónindegi memlekettik saıasatty júzege asyrady.

Holdıngtiń quramyna «Azyq-túlik kelisim shart korporatsııasy» ulttyq kompanııasy» AQ, «QazAgroQarjy» AQ, «Agrarlyq nesıe korporatsııasy» AQ, «Aýyl sharýashylyǵyn qarjylaı qoldaý qory» AQ, «QazAgroÓnim» AQ, «QazAgroMarketıng» AQ, «QazAgroKepil» AQ kiredi.