«QazAgro» bıylǵy kóktemgi egis jáne astyq jınaý jumystaryna 100,6 mlrd. teńge jumsaıdy
Eske salaıyq, aǵymdaǵy jyldyń kóktemgi egis jáne astyq jınaý naýqandaryna «QazAgro» Ulttyq holdıngi jalpy 100,6 mlrd.teńge somasyn jumsaıdy. Bul kórsetkish respýblıkanyń agrosalasyndaǵy maýsymdyq jumystardy qarjylandyrýdyń ótken jyldaǵy kórsetkishinen 16 paıyzǵa joǵary.
Budan bólek astyq jınaý naýqanyn júrgizýge agrarshylarǵa kómek retinde otandyq óndiristegi otandyq kombaındardy jeńildetilgen sharttar boıynsha alýǵa «Egin-2015» baǵdarlamasy engiziletin bolady. Bul baǵdarlama boıynsha sharttar 7 jyl merzimine avanstyq tólemdi 10 paıyz kóleminde keıinge shegerý arqyly 2015 jyldyń 15 qarashasyna deıin uzartýdy kózdeıdi. Osy oraıda «Agrobıznes-2020» baǵdarlamasy boıynsha sýbsıdııalaýdy eskere otyryp syıaqy mólsherlemesi 6,4 paıyzdy quraıdy. Sonymen qatar, atalǵan sharalar bıdaı tazalaý jáne bıdaı keptirý jabdyqtaryn lızıngke alý úshin de qoldanylatyn bolady.
Buǵan dymqyl bıdaıdy keptirýge baılanysty Qostanaı oblysyndaǵy - «Vostok-1» JShS sharýashylyǵyn mysalǵa keltirýge bolady, atalǵan sharýashylyq «QazAgro» holdınginiń jeńildetilgen baǵdarlamalarymen eki jyl buryn osy jabdyqtardy ıemdengen. Jumystyń birinshi maýsymynda kásiporyn alty myń tonna bıdaı keptirdi. Ótken jyldyń jańbyrly kúzinde basqa kásiporyndar ylǵal astyqpen qıynshylyqtar kórip jatqanda «Vostok-1» óziniń kesheninde 16 myń tonna astyqty keptirý jumystaryn júrgizdi!
«Jańbyr men qar astynda qalǵan 30 paıyzdyq ylǵaldy bıdaıdy keptirdik. Mundaıdy eshqashan kórmegen edik. Shyǵyndar elevatordyń qyzmetterinen áldeqaıda tómen, sonymen qatar qaldyqtar malǵa azyq retinde qoldanyldy. Keptirý quraldary bolmaǵanda, biz jyldy shyǵyndarmen aıaqtar edik», - shdedi arýashylyq basshysy Jambyl Amantaev óz sózinde. Aǵymdaǵy jyly da egin naýqanyn ýaqytyly júrgizý úshin «QazAgroQarjy» AQ arqyly alynǵan «Vostok-1» JShS-nyń egin keshenderi kómektesti.
Agrarlyq sharalardy júrgizýdi qoldaý «QazAgro» holdınginiń enshiles kompanııalary arqyly túrli qarjylyq quraldar arqyly júzege asyrylady: bıdaıdy forvardtyq satyp alý, ekinshi deńgeıli Bankterdiń kepildigimen aýyl sharýashylyq taýar óndirýshilerin nesıelendirý, nesıe seriktesterin nesıelendirý, aýyl sharýashylyq tehnıkasynyń lızıngi jáne taǵy basqalar. Fermerlerdiń qarjylyq quraldaryna qoljetimdiligin arttyrý maqsatynda ótken jyldaǵydaı Holdıng aýyl sharýashylyq taýar óndirýshilerdi nesıelendirý úshin EDB qorlandyrý quralyn qoldanýda. Baǵdarlamada qatysýshy bankterdiń sany ótken jylmen salystyrǵanda eki ese óskenin - 4-ten 8 deıin atap ótkenimiz jón. Bankter arqyly qarjylandyrýdyń jalpy kólemi 33,5 mlrd.teńge somasyn quraıdy. Búgingi kúni somanyń 99 paıyzy ıgerildi.
Jalpy qazirgi ýaqytta «QazAgro» holınginiń nesıelik baǵdarlamalary boıynsha 65 mlrd. teńgeden astam somasyna aýyl sharýashylyǵy taýar óndirýshilerinen kelip túsken 3000 ótinim qarjylandyrýǵa maquldandy. Egin egý alqaby 6,3 mln. ga jerdi quraıdy, bul 2014 jylmen salystyrǵanda 17 paıyzǵa joǵary. Kótkemgi egis jumystary aıasynda «QazAgroQarjy» kompanııasy 8,7 mlrd. teńge somasyna 994 birlik aýyl sharýashylyq tehnıkasyn lızıngke alý ótinimderin qarjylandyrdy. Astyq jınaý tehnıkasyn alý boıynsha 9,1 mlrd. teńge jalpy somasyna 1 156 kombaındaryn ıemdenýge ótinimder qabyldandy, jalpy somasy 4,6 mlrd. teńgeni quraıtyn 614 kombaınǵa qarjylyq lızıng sharttary jasaldy.
