QazAgro Bıshimbaevty dırektorlar keńesi quramynan bosatty
ASTANA. QazAqparat - «QazAgro» ulttyq basqarýshy holdıngi dırektorlar keńesi quramyndaǵy ózgerister týraly habarlady, dep habarlaıdy QazAqparat.
«Ózgeristerge sáıkes, Qýandyq Bıshimbaevtyń dırektorlar keńesiniń múshesi retindegi ókilettigi merziminen buryn toqtatyldy. Onyń ornyna Tımýr Súleımenov saılandy (QR Ulttyq ekonomıka mınıstri)»,-dep atap ótilgen KASE saıtynda jarııalanǵan habarlamada.
Budan buryn habarlanǵandaı, «Báıterek UBH» AQ basqarmasynyń burynǵy tóraǵasy Qýandyq Bıshimbaevqa qatysty qylmysty tergeý amaldary júrip jatyr. Sybaılas jemqorlyqqa qarsy kúres ulttyq bıýrosy habarlaǵandaı, ol bir top adammen aldyn ala kelisip, birneshe ret iri kólemde para aldy dep aıyptalýda.
Bıshimbaev Qyzylorda qalasynda tabaq shyny shyǵaratyn jáne óńdeıtin zaýyt salý kezinde «Orda Glass» JShS-nyń vedomstvolyq baǵynystaǵy kompanııasy men onyń merdigerlik uıymy «Shymkenthımmontaj» JShS arqyly 1 mlrd teńge jymqyrý qylmystyq shemasyn uıymdastyrǵan degen kúdikke ilindi. Osy oraıda ol atalǵan somanyń 2 mln AQSh dollaryn ózine alǵandyǵy tekserilýde.
Bıylǵy 10 qańtarda Sybaılas jemqorlyqqa qarsy kúres ulttyq bıýrosy burynǵy QR Ulttyq ekonomıka mınıstri Qýandyq Bıshimbaevty ustaǵandyǵy habarlanǵan bolatyn.
