«QazAgro» «Báıterek» holdınginiń quramyna kirdi

Bul jaıynda Qazaqstannyń qor bırjasynan málim etti, dep habarlaıdy QazAqparat tilshisi.

«Oblıgatsııalary Qazaqstan qor bırjasynyń resmı tiziminde turǵan «Baıterek» Ulttyq basqarýshy holdıngi» AQ (Nur-Sultan) Qazaqstan qor bırjasyna (KASE), 2021 jyldyń 15 naýryzyndaǵy jalǵyz aktsıoneriniń sheshimderi týraly habarlady. Jalǵyz aktsıoneri birneshe sheshim qabyldady», - delingen bırja taratqan aqparatta.

Atalǵan sheshimderdiń qatarynda «Baıterek» Ulttyq basqarýshy holdıngi» AQ-yna «QazAgro» Ulttyq basqarýshy holdıngi» AQ-ty qosý arqyly holdıngti qaıta qurý, «QazAgro» Ulttyq basqarýshy holdıngi» AQ ornalastyrylǵan aktsııalary sany sheginde 585 352 214 dana aktsııalaryn bir aktsııaǵa 366,85 teńgeden «Baıterek» Ulttyq basqarýshy holdıngi» aktsıonerlik qoǵamyna satý bar.

Jalpy, jalǵyz aktsıoner barlyǵy 12 másele boıynsha sheshim qabyldaǵan.

Osylaısha, «Báıterek» holdınginiń quramyna burynǵy «QazAgronyń» úsh enshiles uıymy - «Agrarlyq nesıe korporatsııasy» AQ, «QazAgroQarjy» AQ jáne «Aýyl sharýashylyǵyn qarjylaı qoldaý qory» AQ kirdi.