«QazAgro» basshylyǵy holdıngtiń lızıngtik saıasatyn qaıta qaraýdy kózdep otyr
ASTANA. 11 qarasha. QazAqparat /Arman Asqarov/ - Úkimettiń búgingi selektorlyq keńesinde «QazAgro» holdınginiń Basqarma tóraǵasy Asyljan Mamytbekov «Mal etiniń eksporttyq áleýetin damytý» jobasyn tanystyrdy.
Onyń málimdeýinshe, aldaǵy 5 jylda elimizdiń osy saladaǵy eksporttyq áleýetin 60 myń tonnaǵa deıin jetkizý úshin 300 myń bas iriqara maldy jemdeýde ustaý qajet. Onyń 50 paıyzyn jeke fermerler qamtamasyz etýi tıis. «Árıne, osynyń bárin ishki múmkindikterdi paıdalana otyryp, sheshý qıyn. Sondyqtan aldaǵy 5 jylda asyl tuqymdy qara maldyń 72 myń basyn shetelden alyp kelý qajet. Osynyń arqasynda elimizdegi asyl tuqymdy maldyń sanyn 250 myń basqa deıin jetkizýge bolady. Árıne, ol úshin jem óndirisin damytý asa qajet. Biz óz kezegimizde jem óndirisi boıynsha holdıngtiń lızıngtik saıasatyn qaıta qarap shyǵýǵa daıarmyz», - dedi A. Mamytbekov.
Aıta keteıik, buryn da Qazaqstanda soıylǵan maldan shyqqan ettiń ortasha salmaǵy 230 kg. bolsa, búginde bul kórsetkish 150 kg-dan aspaı otyr. QR Aýyl sharýashylyǵy mınıstrliginiń aqparaty boıynsha, Qazaqstanda etti maldyń sany - 543 myń bas, ıaǵnı 9 paıyzdy qurap otyr. Al AQSh-ta bul kórsetkish 50-60 paıyzǵa teń.
