«QazAgro» aldaǵy egin egý naýqanyn qarjylandyrýǵa 74,3 mlrd.teńge baǵyttaýdy josparlaýda
dep habarlady QR Premer-Mınıstriniń resmı saıty holdıng baspasóz qyzmetine silteme jasap.
«2013 jylǵy kóktemgi egis jumystaryn qarjylandyrý úsh qarajat kózderinen júzege asyrylady - 60 mlrd.teńge somasyndaǵy tartylǵan bıýdjettik nesıe, 600 mln.teńge kólemindegi AShQQQ menshikti qarajaty, 13,7 mlrd.teńge Azyq-túlik korporatsııasynyń memlekettik resýrstarǵa astyq satyp alýǵa bólingen qarajaty esebinen», - delingen «QazAgro» UBH» AQ óz málimdemesinde.
Sonymen qatar, aǵymdaǵy jyly nesıeler ótken jylǵy nesıe ónimderine uqsas ekinshi deńgeıli bankterdiń jáne astyq qolhattarynyń kepildigimen shaǵyn nesıe uıymdarynyń júıesi arqyly, sondaı-aq ÁKK kepildigimen forvardtyq satyp alý arqyly beriletin bolady.
Oǵan qosa, bıylǵy jyly Agrarlyq nesıe korporatsııasy aýyl sharýashylyǵy taýaryn óndirýshilerge yńǵaıly bolý úshin Nesıe seriktestigi júıesi arqyly jáne mindettemeleri boıynsha oryndaý merzimin keıinge qaldyrý arqyly qosymsha nesıe ónimderin engizedi.
Osylaısha, sharýalarǵa bul qarajat jyldyq 5 paıyzben 2013 jylǵy jeltoqsannyń basyna deıingi merzimge beriledi. Eger, sharýashylyq ósirilgen ónimdi ótkizýdi kelesi jylǵa deıin «ustaı turǵysy» kelse, tıisinshe ózderiniń qarjy mindettemeleri boıynsha sheshse esep aıyrysýdy 2014 jylǵy naýryzǵa qaldyrsa, syıaqy stavkasy 7 paıyzdy quraıdy. Jáne de ósimdik sharýashylyǵy salasyndaǵy agroónerkásiptik keshen sýbektilerin jalpy qoldaý sheńberinde Aýyl sharýashylyǵyn qarjylaı qoldaý qory «Eginjaı» baǵdarlamasyn iske asyrady.
Nesıe resýrstarymen qamtamasyz etýden basqa «QazAgro» ulttyq holdıngi kóktemgi egis sharalaryn tehnıkalyq jaraqtandyrý jumystaryn júrgizedi. Holdıng qurylymyndaǵy lızıng kompanııasy «QazAgroQarjy» AQ óndirýshiler men jabdyqtaýshylarmen 266 birlik túrli aýyl sharýashylyǵy tehnıkasyna arnalǵan sharttar jasady.
Qazirgi ýaqytta sharýashylyqtarmen 6,6 mlrd.teńge somasyna 140 birlikten astam tehnıkany satyp alýǵa sharttar jasaldy.
