«QazAgro» 10 jyl merzimge 1 mlrd. dollardyń eýrooblıgatsııalaryn shyǵardy
ASTANA. 21 mamyr. QazAqparat - «QazAgro» Ulttyq basqarýshy holdıngi» AQ 10 jyl merzimge jyldyq ústemaqysy 4,6 paıyzben 1 mlrd. dollardyń eýrooblıgatsııalaryn shyǵardy, dep habarlandy «Halyqtyq IPO» baǵdarlamasynyń resmı saıtynda.
Bul kompanııanyń atalmysh boryshkerlik baǵaly qaǵazdardy alǵash ret ornalastyrýy.
Kompanııanyń baspasóz qyzmetinen habarlaǵandaı, eki júzden astam ınvestorlardan túsken tapsyrys mólsheri 3,3 mlrd. dollardy quraǵan. Bondtardyń 35% - Ulybrıtanııa, 33% - AQSh, 13% - Qazaqstan, 15% - qurlyqtyq Eýropa ınvestorlary satyp aldy. Baǵaly qaǵazdar Irlandııa jáne Qazaqstan qor bırjalarynda lıstıngteldi.
«Osy mámile qazaqstandyq emıtenttiń osynshalyq uzaq aınalymdaǵy qaǵazyna quny boıynsha rekordtyq tómen debıýttik boryshkerlik shyǵarylymyn tirkedi» - delingen baspasóz baıanynda.
Tartylǵan qarjy Agroónerkásip salasyn damytýdyń 2020 jylǵa deıingi baǵdarlamasy aıasyndaǵy jobalardy júzege asyrýǵa baǵyttalady.
2011 jyly qurylǵan «QazAgro» kompanııasynyń birden-bir aktsıoneri - Qazaqstan Úkimeti.
